AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“Şassi” mağazanın keçmiş rəhbəri həbs edildi - 285 min manatlıq dələduzluq


Tarix 31.08.26, 14:25	Font ölçüsü : - / +

Dələduzluqda təqsirləndirilən “Şassi” mağazalar şəbəkəsinin (əvvəlki adı “Ştutqart”) keçmiş rəhbər şəxsinə hökm oxunub.

Qaynarinfo xəbər verir ki, ittiham aktına əsasən, Aslan adlı həmin şəxs Murad adlı tanışına Şarja şəhərindən avtomobil ehtiyat hissələri, o cümlədən mühərriklər gətirib Bakı şəhərində satmaqla yaxşı gəlir əldə edəcəklərini vəd edib.

Bu məqsədlə 2022-ci ilin sentyabr, oktyabr və noyabr aylarında ondan hissə-hissə olmaqla ümumilikdə 200 min manat pul alıb.

Aslan qarşı tərəfdə real görüntü yaratmaq üçün həmin pulların bir hissəsi hesabına xaricdən avtomobil mühərrikləri və digər ehtiyat hissələri gətirib. Lakin sonradan məhsulların satışından əldə olunan vəsaiti zərərçəkmiş şəxsə qaytarmayıb və aldığı pulun bir hissəsini şəxsi ehtiyaclarına sərf edib.

İttihamda bildirilir ki, gətirilən ehtiyat hissələrinin ümumi dəyəri təxminən 28 min manat olub.

Məhkəmədə Aslan özünü verilmiş ittiham üzrə qismən təqsirli bilib.

O, ifadəsində Muraddan ümumilikdə 200 min manat aldığını təsdiqləsə də, həmin vəsaitlə bağlı fərqli mövqe səsləndirib.

Aslanın sözlərinə görə, 2018–2022-ci illərdə “Ştutqart” mağazalar şəbəkəsində rəhbər vəzifədə çalışıb və aylıq 3 800 manat əməkhaqqı alıb.

Onun bildirdiyinə görə, Murad iş fəaliyyətini və müştəri toplamaq imkanlarını gördükdən sonra avtomobil mühərriklərinin xaricdən gətirilməsi ilə bağlı əməkdaşlıq təklif edib.

Təqsirləndirilən şəxsin ifadəsinə əsasən, ilk mərhələdə tanışından 20 min dollar alaraq Dubaya gedib. Daha sonra əlavə vəsait əldə edib mühərriklərin alınması və Azərbaycana gətirilməsi ilə bağlı işləri davam etdirib.

Aslan bildirib ki, ümumilikdə 50-dən çox mühərrik gətirilib. Onun sözlərinə görə, mühərriklərin satışı üçün obyekt də icarəyə götürüb, təmir işləri aparıb və satışa hazırlaşıb.

O, tanışının sonradan pulunu geri tələb etdiyini, lakin gətirilən məhsulların dərhal satılmasının mümkün olmadığını deyib.

Təqsirləndirilən şəxs həmçinin aldığı 200 min manatın təxminən 150 min manatını məhsul alınmasına sərf etdiyini, həmin məhsulları sonradan ziyanla satdığını bildirib.

İş üzrə Aslana qarşı daha bir dələduzluq epizodu ilə bağlı ittiham irəli sürülüb.

İttihama görə, 2024-cü ilin iyulunda o, Murad barəsində aparılan cinayət təqibinə tanışları vasitəsilə xitam verdirə biləcəyini deyib. Bu vədlə ondan iki dəfəyə ümumilikdə 65 min manat pul aldığı və həmin vəsaiti şəxsi ehtiyaclarına sərf etdiyi iddia olunub.

Aslan isə ifadəsində bu epizodla bağlı bildirib ki, tanışının məsələsini araşdırıb və sonradan həmin problemin həllinin mümkün olmadığını öyrənib. O, aldığı 50 min manatın bir hissəsini öz borcuna verdiyini, daha sonra isə həmin məbləği tanışına qaytardığını söyləyib.

Məhkəmədə zərərçəkmiş də ifadə verib.

O bildirib ki, Aslanı bir neçə il əvvəl tanıyıb və onun “Ştutqart” mağazalar şəbəkəsində satış işi ilə məşğul olduğunu bilib. Aslan ona avtomobil mühərriklərinin gətirilməsi və satışı ilə yaxşı qazanc əldə etməyin mümkün olduğunu deyib.

Zərərçəkmişin sözlərinə görə, Aslanın təklifinə inanaraq ona hissə-hissə ümumilikdə 200 min manat verib. O bildirib ki, Aslan iki dəfə Dubaya gedib və oradan mühərriklərin fotolarını göndərib.

Lakin sonradan ona gətirilən məhsulların yatırdığı pula uyğun olmadığı barədə məlumat verilib.

Murad məhkəmədə Aslanın ona 285 min manat zərər vurduğunu, bunun 50 min manatının qaytarıldığını, 225 min manatın isə qaldığını bildirib.

İş üzrə şahidlərdən biri də Aslanla birlikdə Dubaya getdiyini və 50-dən çox mühərrikin alınıb Azərbaycana gətirildiyini söyləyib. Şahid mühərriklərin seçilməsində iştirak etdiyini, sonradan onların Aslanın icarəyə götürdüyü obyektə yerləşdirildiyini bildirib.

Məhkəmə Aslanı Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə təqsirli bilib və ona 6 il müddətinə azadlıqdan məhrumetmə cəzası təyin edib.

Hökmə əsasən, onun əvvəllər tutulduğu, həbsdə saxlanıldığı və ev dustaqlığında olduğu ümumilikdə 6 ay 26 gün müddət cəzadan çıxılıb.

Aslanın üzərində qəti olaraq 5 il 5 ay 4 gün müddətinə azadlıqdan məhrumetmə cəzası saxlanılıb.

Xəbərin oxunma sayı : 1666