Qol.az-ın "Daily Mail"ə istinadən yaydığı xəbərə görə, rusiyalı biznesmen "Mançester Yunayted"lə oyundan sonra komanda ilə maraqlanıb.

O, Konte ilə futbolçular arasında yaşananları araşdırıb və bu qənatə gəlib ki, italiyalı mütəxəssilə futbolçular arasında münasibət yaxşı deyil.

Xatırladaq ki, Antonio Konte David Luizi İngiltərə Premyer Liqasının 11-ci turunda "Mançester Yunayted"ə qarşı matçda (1:0) oynatmayıb. A.Konte D.Luizin Çempionlar Liqasının qrup mərhələsinin 4-cü turunda "Roma"ya 0:3 hesabı ilə uduzduqları matçda etdiyi hərəkətlərdən narazı qalıb.