“Report” TASS-a istinadən xəbər verir ki, bunu immunoloq Vladimir Bolibok bildirib.

“Hesab edirəm ki, sadəcə söhbət etdikdə, nəfəs aldıqda və əsnədikdə ifraz olunan aerozolun tərkibində olan ağız suyu digər insanları yoluxdurmaq üçün kifayətdir. Öskürdükdə və ya asqırdıqda ifraz olunan ağız suyu isə birdən-birə 100 adamı yoluxdura bilər”, - o deyib.

V.Bolibok vurğulayıb ki, “Omikron” yoluxuculuq baxımından qızılcanı ötüb: “İndiyədək heç vaxt bu cür yoluxuculuq qeydə alınmayıb. Qızılca ən yoluxucu xəstəlik hesab olunurdu, amma “Omikron” bu baxımdan onu da arxada qoyub. Bu səbəbdən eyni zamanda, bu qədər böyük yoluxma saydı qeydə alınır”.