Əməkdar artist: ““Eurovision”da ən yadda qalan onların çıxışı idi” – VİDEO Son 2 ildə Xalq artistlərinin təqaüdü 50%, müharibə əlillərinin təqaüdü 10% artıb - RƏSMİ Arvadı Eserdən yeni villa istəyir Tacir Şahmalıoğludan efirdə ŞOK SÖZLƏR: “Tellinin hər yerini yeyərəm“ - VİDEO
Axtar
 
  • / Maqazin / — 19 May 2019

    Əməkdar artist: ““Eurovision”da ən yadda qalan onların çıxışı idi” – VİDEO

  • / Maqazin / — 19 May 2019

    Son 2 ildə Xalq artistlərinin təqaüdü 50%, müharibə əlillərinin təqaüdü 10% artıb - RƏSMİ

  • / Maqazin / — 19 May 2019

    Arvadı Eserdən yeni villa istəyir

  • / Maqazin / — 18 May 2019

    Tacir Şahmalıoğludan efirdə ŞOK SÖZLƏR: “Tellinin hər yerini yeyərəm“ - VİDEO

  • / Maqazin / — 18 May 2019

    Nüşabə Ələsgərlinin əri ilə yeni FOTOLARI

  • / Maqazin / — 14 May 2019

    Azərbaycan və türk musiqisinin yer almadığı Bakı karaokeləri

“İron İnşaat” camaatı evindən zorla çıxarır - Şikayət

Tarix 04.12.18, 12:33

Font ölçüsü : - / +
bitmap-img6


“İron İnşaat” MMC razılaşma əldə etmədiyi mülk sahibini məhkəyə verərək pul kompensasiyası qarşılığında mənzilindən çıxarmaq istəyir.

Bu barədə Yenicag.az-a mənzil sahibləri Qurban Məmmədov, Rövşən Məmmədov, Kamran Məmmədov, Səadət Vəliyeva məlumat veriblər.

Rövşən Məmmədov bildirib ki, 4 ildir “İron İnşaat” MMC onları mənzillərindən çıxarmaq istəyir:

“İron İnşaat” MMC Bakı şəhər, Nərimanov rayon N.Yusifbəyli küçəsindəki həyət evlərini alan zaman qiymətdə razılığa gəlmədik. Onlar da evi almadı, binanı bizim evin arxasından tikdi. “İron İnşaat” MMC binanı evimizə bitişik tikib. Evlə bina arasında heç bir məsafə yoxdur. Ara məsafəsi olmadığı üçün məhkəməyə müraciət etdik. Məhkəməni udduq. Ancaq Ali Məhkəmə şirkətin xeyrinə qərar çıxardı. Qanuna görə, bina ilə yaşayış yeri arasında məsafə saxlanılmalıdır. Yaranmış vəziyyətdən əsəb xəstəliyi tapan atamın müalicəsi ilə məşğul olduq. Şirkət isə binanı ucaltmağa başladı. Binanın ikinci mərtəbəsinin balkonu bizim evin üstündədir. Bina artıq tikilib qurtarmaq üzrədir”.

Şikayətçilərin sözlərinə görə, “İron İnşaat” MMC-nin rəhbərliyi onları Bakı şəhər İcra Hakimiyyətinin adı ilə hədələyib. İddiaya əsasən, şirkət rəhbərliyi mülk sahiblərinə BŞİH-in həmin yeri onlara hansı yolla olursa-olsun verəcəyini deyib.

2017-ci ildə Fövqəladə Hallar Nazirliyi, BŞİH və “İron İnşaat” MMC mülk sahibini məhkəməyə verib. 3 qurumun iddiası vətəndaşların yaşadıqları mənzildən köçürülməsi olub. İddia ərizəsində qeyd edilib ki, ev “İron İnşaat” MMC-nin abadlıq sahəsinə düşür.

Rövşən Məmmədov bildirir ki, Nəsimi rayon Məhkəməsində hakim Natavan xanım iddianı rədd edib:

“Onlar rədd edilmiş işi Apellyasiya Məhkəməsinə verdilər. 2018-ci il aprel ayının 14-ü məhkəmə olacaqdı, ayın 9-u Hacıbala Abutalıbov vəzifədən azad edildi. FHN, BŞİH və “İron İnşaat” MMC-nin nümayəndələri məhkəmə iddialarını geri götürdülər. Apellyasiya Məhkəməsi isə birinci instansiya məhkəməsinin qərarını qüvvədə saxladı və belə bir qərar çıxardı ki, həmin iddiadan şikayət verə bilməzlər. Bundan sonra “İron İnşaat” MMC bizə təklif etdi ki, ev sökülsün, yerində 2-3 mərtəbəli qeyri-yaşayış obyekti tikilsin, bu obyekti yarı-yarı bölək. Biz məsələnin qanuni yolla həll edilməsini istəyəndə, onlar təklifi geri çəkdilər. O zaman anladıq ki, şirkətin tək məqsədi evimizi sökməkdir. Sökəndən sonra qalacaqdıq ortalıqda”.

Şikayətçilər bildiriblər ki, bu il iyun ayının 30-da “İron İnşaat” MMC yenidən onları məhkəməyə verib.

Rövşən Məmmədovun sözlərinə görə, qaldırılan iddia sözün əsil mənasında gülüncdür:

“Şirkət məhkəməyə müraciət edib ki, vətəndaşın evinin 1 kvadrat metrinin 1600 manatdan şirkətə satılması təmin edilsin. Çox maraqlıdır ki, hakim məsələni uzadır, hətta tikinti ekspertizası təyin edib. Ev mənimdir, 1988-ci ildən orada yaşayırıq, sənədləri də qaydasındadır. Satmaq istəmədiyim mülki necə məcbur satdıra bilərlər ki?”.

Mülk sahibi sonda bildirib ki, 4 ildir “İron İnşaat” MMC onlara insan kimi yaşamağa imkan vermir.

Bundan əlavə, iddialara görə, şirkət dəfələrlə mənzil sahiblərini təxribata çəkib, hətta evlərində olduqları zaman divarlarını da uçurdub.

Qeyd edək ki, bütün cəhdlərimizə baxmayaraq, “İron İnşaat” MMC ilə əlaqə saxlamaq mümkün olmadı.








Xəbərin oxunma sayı : 205

loading...

Sosial

Xəbərlər

ARXİV
Əlaqə | Haqqımızda