Qol.az-ın Almaniya mətbuatına istinadən yaydığı xəbərə görə, o, türk əsilli futbolçunun yığmadan getməsinə sevindiyini söyləyib:

"Sevinirəm ki, hər şey başa çatdı. Özil illərdir bərbad oynayır. O, sonuncu dəfə DÇ-2014-dən əvvəl hansısa oyunda rəqibdən top almışdı".

Qeyd edək ki, Özil dünən şəxsi "Twitter" hesabından millidəki karyerasını başa vurduğunu açıqlayıb. "Arsenal"ın yarımmüdafiəçisi bunu Londonda Türkiyə prezidenti Rəcəb Tayyib Ərdoğanla görüşdən sonra Almaniya ictimaiyyəti tərəfindən ona qarşı edilən irqçi təzyiqlərə görə etdiyini bildirib.