Türkiyəli analitik Öztürk Yılmaz «CNN Türk» telekanalının efirindən ABŞ hərbçilərinin Yunanıstan Aleksandrupolisində cəmləşdiyini xatırladıb və göstərib ki, «Birləşmiş Ştatlar buradan Yunanıstanın xeyrinə Egey dənizinə nəzarət edəcək və bu baza həmin nəzarəti daha da genişləndirəcək».

Bu barədə iyulun 28-də «Greek City Times» nəşri yazıb.

Yılmazın sözlərinə görə, ABŞ Şərqi Aralıq dənizində Türkiyə və Yunanıstan arasında rəqabəti dərinləşdirməyə can atır və Vaşinqton Ankaranı özünün «kağız üzərində» müttəfiqinə çevirib və iki ölkə arasında reallıqda «müttəfiqlik ruhu qalmayıb».

ABŞ-ın Yunanıstandakı bazasına gəlincə, keçmiş türk diplomat əmindir ki, onlar amerikalılar tərəfindən daha çox Türkiyəyə qarşı istfadə olunacaq, nəinki Rusiyaya qarşı. Birləşmiş Ştatlar Yunanıstanda öz iştirakını artırmağa ona görə cani atır ki, Türkiyənin etibarlılığına şübhəsi artır - bu barədə yunan qəzeti «Kathimerini» öz mənbələrinə istinadla xəbər verib. Nəşrin həmsöhbətinin sözlərinə görə, bölgədə Amerika iştirakının genişlənməsinə Yunanıstan və Türkiyə arasında münasibətlərin pisləşməsinin davam etməsi və həm də Vaşinqton və Ankara arasında münasibətlərdə proqresin olmaması kontekstində baxılır. NATO üzrə müttəfiq olaraq, Prezident Rəcəb Tayyib Ərdoğanın dövründə Türkiyənin etibarlılığına əminliyin azalması da ABŞ-ın Yunanıstanda iştirakının dərinləşməsi məsələsinə təsir edən amil hesab olunur - «Kathimerini» təsdiqləyir.

Son illər ABŞ Afina ilə hərbi əlaqələri möhkəmlədib. Amerikalılar artıq öz hərbi-dəniz qüvvələrini Suda körfəzində, Kritdə, Aleksandrupolisdə, Larisdə və Stefanovikeyoda yerləşdiriblər. Daha 4 bazanın da əlavə olunması planlaşdırılır və Yunanıstan ABŞ-a 22 mümkün əlavə variant seçimi təklif edib.