Dəyişikliyə əsasən, əgər 15 yanvarda “Brexit” sazişi parlament tərəfindən təsdiqlənməzsə, baş nazir Tereza Meyin rəhbərlik etdiyi Britaniya hökuməti səsvermədən sonra 21 yox, 3 iş günü ərzində parlamentə alternativ plan təqdim etməli olacaq. Lakin hökumətin deputatların bu tələbini qəbul edib-etməyəcəyi sual altındadır.

Britaniya parlamentində İcmalar Palatasının spikeri Anrea Ledsom bəyan edib ki, Tereza Mey hökumətinin bu tələbi qəbul etməkdən başqa çıxış yolu yoxdur.

Britaniyanın “Brexit” məsələləri üzrə naziri Stiven Barkli isə bildirib ki, “Brexit” planı parlament tərəfindən rədd edilərsə, hökumətin niyyəti də elə məhz çevik davranmaq və qanunverici orqana təhlükəsizlik zəmanəti verməkdir.

Azvision.az xatırladır ki, Britaniyanın müxalif Leyboristlər Partiyası Meyin 15 yanvarda parlament səsverməsini uduzacağı təqdirdə hökumətə qarşı etimadsızlıq səsverməsi keçirəcəyini bəyan edib.