AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Bu icra başçısı iki gün əvvəl yasda iştirak edib, halva yemişdi” – Keçmiş deputat ona “təlxək” dedi


Tarix 05.07.20, 16:02	Font ölçüsü : - / +

“Sizə də elə gəldi ki, Şəmkirdə yas yasağı var, ancaq yerli əhali buna əməl etmir? Mən o icra başçısının elədiyi "artist"liyə bir qədər sonra qayıdacağam, hələliksə onu deyim ki, Şəmkir ölkənin ən imkanlı rayonlarından biri olmasına baxmayaraq, hüzr məclislərində təmtəraqlı ehsan verməkdən ilk imtina etmiş əyalətlərdən biridir”.

“Yeni Sabah” xəbər verir ki, bunu keçmiş millət vəkili Etibar Hüseynov Şəmkir rayonunun icra başçısı Alimpaşa Məmmədovun yas məclisini dağıtması ilə bağlı video xəbəriə münasibət bildirərkən deyib.

E. Hüseynov bildirib ki, uzun illərdir ki, Şəmkirdə süfrəyə yalnız halva, pendir-çörək-salat və dovğa qoyulur. Karantin dövründə də çadır qurulmasından imtina edilib. Hər kəs həyətində imkan dərəcəsində yığcam hüzr məclisləri edir:“Bunu qadağan etmək olmaz. Toyu, ad günü, son zəngi təxirə salmaq olar. Amma ölüm, faciə çağrılmamış qonaqdı. Adını çəkdiyim tədbirlərdən fərqli olaraq onu qabaqcadan planlaşdırmaq, hazırlıq görmək olmur. İnsan həyatının ən ağır durumu doğmalarını, yaxınlarını itirdiyi andır. Həmin vaxt sən bacı-qardaşın, qohum-əqrabanın, dost-tanışın, el-obanın faciə yiyəsinin başına toplaşmağa necə qadağa qoya bilərsən ki? Xüsusən də sonu bilinməyən, müddətsiz bir müddətə. Ona görə də insanlarımız da heç nəyə baxmadan, amma bir daha qeyd edirəm ki, maksimum yığcam şəkildə, öz həyət-bacasında bu məclisləri keçirir. Mən ümümiyyətlə yas məclislərinin əleyhinəyəm”.

E. Hüseynov deyib ki, bu məsələdə Avropa dəyərlərinin tərəfdarıdır. Amma 100 illiklər boyu formalaşıb-kök atmış, "əcaib-qəraib" bəzi adət-ənənələrimizdən də bir ilin içində imtina edib, azad olmaq olmur: “Öz uğursuz qaydaları ilə günü-gündən hörmətdən düşmüş, artıq bir lağlağı obyektinə çevrilmiş "Operativ qərargah" da nəhayət ki, bu barədə daha dolğun, reallığa söykənən qərarlar qəbul etməlidir. Necə ola bilər ki, sən şəhərdə adi bir avtobusda, metro vaqonunda, marketdə qayda-qanun yarada bilmirsən, amma insanlara yas məclisi keçirməyə qadağa qoyursan? Necə ola bilər ki, sərt karantin tətbiq olmayan bir rayonda kafe-restoranlar gecə-gündüz işləsin, dolub-daşsın amma 30-40-50 adam yığışıb 2-3 saat ərzində, bir stəkan çay içib, ev yiyəsinə baş sağlığı verə bilməsin?

Əgər, bir daha qeyd edirəm: bu prosesin sonu proqnozlaşdırıla bilinmirsə (təbii ki, sizdən asılı olmayan səbəblərdən) onda bunun (toyun, yasın, ad günü, son zəng və.s) hər -hansısa variantda icazə metodu tapılmalıdı. Bu sonsuzluğa qədər davam edə bilməz axı. İnsanlara müvafiq qaydalara əməl etmək şərtiylə: müəyyən say, tempraturu ölçülmək, sosial məsafəyə riayət etmək, açıq məkanlarda olmaq şərtiylə, xeyir-şər məclisi keçirilməsinə icazə verilməlidir. Razılaşın ki, bu sonsuzluğa qədər davam edə bilməz”.

Keçmiş deputat icra başçısı A. Məmmədov haqda şok informasıya da verib. O, bildirib ki, elə bir neçə gün bundan əvvəl həmin icra başçısı elə dağıtdığı yas məclisi böyüklükdə bir mərasimdə iştirak edib: “Şəmkirdə sərt karantin rejimi tətbiq olunmayıb. Hər tərəfdə kafe-restoranlar öz axarıyla işindədir. Yas məclisləri də mağar qurulmadan, maksimum yığcam şəkildə, hərə öz həyətində keçirir.

Bu günlərdə elə özüm də orda olub bir-sıra hüzr məclislərində iştirak etmişəm. Və videoda artistlik edən həmin icra başçısı da başının dəstəsiylə, maskasız, gəlib halvadan yeyib, üstündən də limonlu çay içib gedibdi. Bunu öz gözlərimlə görmüşəm.

Amma üstündən 2 gün keçməmiş adam əli kameralı jurnalistləri başına toplayıb gedib kiminsə yas məclisini dağıdır. Hüzr sahibini, məclisə glənləri cərimələdir, mollanı polis şöbəsinə apardır. Bundan DTX-nın hazırladığı süjetlərə bənzər rolik hazırlayıb sosial şəbəkələrdə "Şəmkir rayon İcra başçısı yanında Operativ qərargah" leyblıyla paylaşılır.

Onda sual olunur: Nədən sənə hər-hansısa formada yaxınlığı olan kəslərə icazə verilir və sən özün də o məclislərdə başının dəstəsiylə iştirak edə bilirsən, amma kasıb-kusub, yetim-yesirə bu qadağan olunur? Onsuz da ağır, əsəb və stresslə paralel yaşanan bu çətin günlərdə, dərdi üstünə dərd gəlmiş yaslı insanların faciəsi üzərində "təlxəklik" edərək özünə gülünc doğuran piar qazanmağın adı nədi? Yasın nə fərqi var ki? Əgər sən icazə vermirsənsə və ya iştirak etmirsənsə o məclis, məclis olmur bəyəm? İnsan faciəsi üzərində şou düzəltməyin də bir bədəli olacaq yəqin ki”.