Medicina.az xəbər verir ki, kompaniya  2010-ci ildən bəri bu məqsədlə 8 milyon avro xərcləyib. 

Stefan Orel yazır ki, hələ 2015-ci ildə "The New York Times” "Coca-Cola”nın əməllərini ifşa edən məqalə hazırlayıb. Yazı "Global Energy Balance Network” (Qlobal Enerji Balansı Şəbəkəsi) təşkilatının içki şirkəti ilə əməkdaşlığından doğan saxtakarlığını üzə çıxarmışdı. 

Bu yazı böyük səs-küy doğurmuşdu. Onda "Coca-Cola”nın baş direktoru şəxsən özü şirkətin ayırdığı maliyyənin şəffaflığına zəmanət vermişdi. Bundan sonra şirkətin rəsmi saytı da daha şəffaf informasiyalar paylaşmağa başlamışdı.

Müəllif qeyd edir ki, elmi işlər üçün nəzərdə tutulan 8 milyon avro ayrı-ayrı mütəxəssislərə, tibb, idman təşkilatlarına sərf edilib. Bu saxtakarlıqda hətta dietoloqların da iştirakı olub.

Məqalədə bildirilir ki, xərclərin 30 faizi (2,4 milyon avro) "elmi-tədqiqat” işlərinə gedib. Ən çox "CreaBio”ya pul ayrılıb (930 min avro). Adını da "intensiv dad vericilərin öyrənilməsi mövzusunda araşdırma layihəsi” qoyublar.

"Coca-Cola”dan maliyyə almaq üzrə ikinci yerdə fiziologiya sahəsində Avropa ekspertiza institutu (IEEP) gedir. Bu təşkilat 2010-2014-cü illlərdə 720 min avro alıb. İnstitut da öz növbəsində qazlı içkilərin insulin həssaslığına, qanda şəkər miqdarının artmasına heç bir təsiri olmaması haqda məqalə nəşr etdirib.

Beləliklə, mətbuat, həkimlər, müstəqil araşdırmaçılar Coca Colanın insan orqanizminə zərəri, xüsusən insulin dirənci, artıq çəki, piylənmə, şəkər, ürək-damar problemlərinə təkan verməsi barədə məlumatlar yayıb insanları maarifləndirdikcə, şirkət müxtəlif təşkilatları, elm adamlarını, dietoloqları pulla öz tərəflərinə çəkərək, Cola içməyin insan orqanizminə mənfi təsiri barədə elmi araşdırmaların olmamasına çalışmışdır.