AzFakt.com bildirir ki, bu barədə Tərtər rayon Kənd Təsərrüfatı İdarəsinin rəisi Mehman Babayev BBC News Azərbaycancaya deyib.

O, həmin ərazinin “Azərpambıq” şirkətinə aid olduğunu deyib və əlavə edib ki, sahə özəl şirkətə aid olduğu üçün dərmanlama prosesinə də özü nəzarət edir.

Mehman Babayev deyib ki, əvvəlki illərdə rayonda kütləvi zəhərlənmə halları baş verməyib. Ona görə də ilk kütləvi zəhərlənmə hadisəsindən sonra rayon mərkəzində fermerlər, bələdiyyələr və şirkətlərə tövsiyyələr və maarifləndirici məlumatlar verilib.

“Belə maarifləndirici tədbirlərdə mütəxəssislər tövsiyyələr verib ki, hansı dərman preparatlarından necə istifadə olunsun, işçilər dərmanlanan sahəyə neçə gündən sonra girsin”, – o söyləyib.