Axşam.az-ın məlumatına görə, bu sözləri prodüser Təranə Səmədova "ATV maqazin onlarla" verilişində deyib.

Prodüser şou-biznesdə mərhum xalq artisti İlhamə Quliyevanın kürsüsünə layiq gördüyü ifaçının adını açıqlayıb:

"Hegemon kürsüsünü kimsə tutmalıdır. Bir insanın adı ağlımda var... Bəziləri düşünür ki, ora Faiq Ağayev, Aygün Kazımova layiqdir. Məncə bu kürsüyə Röya Ayxan otura bilər. O xanımda həmin özgüvən, barmaq yelləmək qabiliyyəti var. Düzdür Röya da çox səhvlər edib, indi də edir. Keçmiş süjetləri var ki, yadıma salanda təəccüblənirəm. Röya gündəmə gəlmək üçün Nadir Qafarzadənin klipinə çəkildi, kürəyini açdı".

 

Təranə xalq artistlərini işləməmkdə günahlandırıb:

"Bu gün Aygün Kazımova çalışır. Onun solo konsertini səbirsizliklə gözləyirəm. "Krystal hall"da konsert verəcək ilk azərbaycanlı müğənni olacaq. Respublikada pik nöqtə "xalq artisti" adını qazanmaqdır. Bəziləri bu addan sonra kənara çəkilirlər. Tamaşaçı görməyəndə unudur. Zülfiyyə Xanbabayevadan illərdir xəbər yoxdur. Brilliant Dadaşova da eynən... Amma ortada güclülər qalacaq. Güclü Aygün Kazımova və Röya Ayxandır. Çünki çalışırlar".

Prodüser Səmra Rəhimli ilə bağlı etiraf edib. o deyib ki, Səmra illər əvvəl ona birlikdə çalışmaq təklifi edib:

" İnqilab edirsə, xaricdə etsin. Azərbaycanda toy bazarı önəmlidir. Səmra işləyir, amma o toya dəvət olunmayacaq. Deyəcəklər, o, soyunur, ailə məclisimə lazım deyil. Səmranın ilk dəfə müraciət etdiyi prodüser mən olmuşam. Həmin ərəfədə "O sevir nəyimi, sevir bədənimi" kimi sözləri olan mahnı oxumuşdu. Düşündüm ki, 18 yaşındakı qız, Azərbaycanda bunu yeyəcəklər. Həmin mahnını eşitsələr, onu Azərbaycandan sürgün edəcəklər".