Xəzər xəbər məlumat verir ki, tragikomik hadisə Bakıda baş verib. 23 yaşlı Elmin Məmmədov sevdiyi qızla arasındakı münasibətləri yaxşılaşdırmaq üçün dua yazmasını istədiyi falçı işləri düzəltmək əvəzinə daha pis vəziyyətə salıb.

Elmin Məmmədov falçının adını və ünvanını dostlarından alıb. Amma müraciəti əks effekt verib.

Onun sözlərinə görə, falçı qardaşlardan biri “dua yazmaq”la, digəri isə “cadu etmək”lə məşğuldur.

Məsələni aydınlaşdırmaq üçün Binəqədi rayonu Biləcəri qəsəbəsindəki evində xidmət göstərən falçı qardaşların yanına getdik. Amma ev sahibləri heç də yaxşı qarşılamadılar. Hətta iddiaçı ilə birlikdə bizi qapıdan içəri girməyə imkan vermədilər.

Amma sonradan qapı arxasındanda da olsa suallarımızı cavablandırdılar. 60 yaşlı falçının sözlərinə görə, bu iş onların ailə peşəsidir. Hətta atası babası belə bu işlə məşğul olub.

Falçının sözlərinə görə, əvvəllər tək qardaşı ilə özü yox, başqa adamlarla da birlikdə bu işlə məşğul olublar. Amma polisin xəbərdarlığından sonra artıq əməllərindən əl çəkiblər.

Falçıların insanlardakı məlumatsızlıqdan istifadə etdikləri məlumdur. Buna görə də hər hansı bir problemi həll etmək üçün belələrindən imdad diləmək əvəzinə, bir dəfə daha düşünmək məsləhətdir.

Mövzu ilə bağlı daha ətraflı videomaterialı təqdim edirik: