Həmin sorğunu təqdim edirik:

Lalə Məmmədova ən pis vərdişinin dırnaqlarındakı boyanı soymaq olduğunu deyib:

“Bunu özümdən ixtiyarsız edirəm. Kim məni görsə, elə biləcək dırnağımda boyaların yarısının olmaması dəbdir. Amma bu mənim həyəcanımdır. Bir də son vaxtlar çox əsəbi olmuşam. Düşünürəm ki, buna səbəb qayğılarımın son vaxtlar çoxalmasıdır”.

Namiq Qaraçuxurlu isə bildirib ki, mənfi xüsusiyyəti səliqəsizliyidir:

“Axşam evə gələndə corabımı çıxarıb uzağa atıram. Mənə deyirlər ki, sənə ayıb deyil? Telefonumu tez-tez itirirəm”.

Murad Dadaşov isə səliqəli olmaqdan əziyyət çəkdiyini söyləyib:

"Masanın üzərində nəsə əyri dayanırsa, ürəyim partlayır. Hər şeyim düz dayanmalıdır. Bu mənə çox əziyyət verir. Çox təmizkaram. Gün ərzində 70-80 dəfə əllərimi yuyuram”.

Natavan Həbibi yuxusuzluqdan əziyyət çəkdiyini söyləyib:

"Gecə səhərə qədər gülməli filmlər izləyirəm. Bir də çox tum çırtlayıram".

Kərim Abbasovun pis vərdişi isə çaxmaq oğurlamaqdır.(axşam.az)