Ölkənin Torpaq və Ehtiyatlar Nazirliyinin məlumatına əsasən, sürüşmə, uçqun riski yüksək olan ərazilərdə məskunlaşmış təxminən 400 min ailənin 2020-ci ilədək köçürülməsi üçün xüsusi plan hazırlanıb.

Çin dünyada geoloji təbii fəlakətlərdən ən çox əziyyət çəkən ölkələrdən biridir. Belə ki, 2011-2015-ci illərdə 60 minə yaxın geoloji təbii fəlakət, o cümlədən torpaq sürüşməsi, palçıq axını faktı qeydə alınıb. Həmin fəlakətlər nəticəsində 2 mindən çox sakin ölüb, 3 milyard dollardan artıq maddi ziyan dəyib(azərtac).