AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Kirayə tutub, adıma şirkətlər açdılar“ - Milyonlarla manat borcu olan sahibkar hansı məmura bağlıdır?


Tarix 23.09.23, 14:07	Font ölçüsü : - / +

Azərbaycanda 10-a yaxın şirkətin baş direktoru və təsisçisi olan şəxs 3 milyon manata yaxın vergi borcu olduğuna görə həbs edilib.

Qaynarinfo-nun məlumatına görə, Saatlı rayon sakini, 1964-cü il təvəllüdlü İsmayılov Seymur Səxavət oğlu Bakı şəhəri Lokal Gəlirlər Baş İdarəsinə 2.821.686,30 manat vergi borcu olduğu üçün Cinayət Məcəlləsinin 213.3-cü maddəsində nəzərdə tutulmuş cinayət əməlini törətməkdə təqsirli bilinib və 5 il 6 ay müddətinə azadlıqdan məhrumetmə cəzası məhkum olunub.

O, bir sıra şirkətlərlə yanaşı "Trans Azpod" və "Konstruktor Test" MMC-lərin qanuni təmsilçisi olub. Seymur İsmayılovun rəhbəri olduğu "Trans Azpod" MMC-nin 336 min 488 manat vergi borcu var.

Şirkət rəhbəri elan edilmiş ittiham üzrə özünü təqsirli bilməyərək deyib ki, icraçı direktoru olduğu və adını xatırlamadğı əksər şirkətlərdə formal olaraq qanuni təmsilçi olub:

"Aylıq 1000-2000 min manat maaş alırdım. Suraxanı rayonu, Günəşli qəsəbəsində, Xəzər market deyilən ərazinin arxasında yerləşən, dəqiq ünvanı xatırlamadığı çoxmərtəbəli binada mənə kirayə ev tutulmuşdu. Həmin evdə müvafiq sənədlərə imza atdıb, bank əməliyyatlarında iştirak etdirdim. Lakin şirkətlərdən əldə olunmuş gəlirlərin mənə aidiyyatı yox idi, MMC-lərdən əldə olunan gəlir və mənfəətin kim tərəfindən mənimsənildiyini bilmirdim. Deyilmişdi ki, sənə heç bir problem olmayacaq və bu şirkətlər yüsək rütbəli şəxsə məxsusdur. Ən pis halda 1 və ya 2 il müddətində azadlıqdan məhrum edilə bilərsən. Əgər belə hal baş verərsə, mənə kömək edəcəklərini dedilər. Deyilmişdi ki, qeyri-rəsmi şirkətlərə ümumilikdə Zaid adlı şəxs rəhbərlik edir".

Seymur İsmayılov vergi borcları üzə çıxdıqdan sonra sanki ev dustağı kimi yaşayıb, demək olar hər gün spirtli içki qəbul edib: "Bu səbəbdən şüurum tam açıq deyil, əksər məlumatları xatırlamıram”.

Seymur İsmayılov vergi borcundan yayınmaq üçün Rusiyaya qaçmaq istədiyini də etiraf edib:

"Müvafiq adamlara bu şəkildə yaşaya bilmədiyimi dedim və Rusiyaya getmək pul verilməsini tələb etdim. Bir neçə gün sonra məbləğini xatırlamadığım dollar və manatların olduğu pulu mənə verdilər. Amma gedə bilmədim və hüquq-mühafizə orqanları tərəfindən saxlanıldım. Buna görə də verilmiş ittiham və hesablanmış borcla razı deyiləm, ədalətli hökm çıxarılmasını xahiş edirəm".

Aparılan araşdırma zamanı müyyən edilib ki, Seymur İsmayılov direktor vəzifəsində işləyərkən Vergilər Məcəlləsinin 16.1.1, 16.1.3, 16.1.4, 16.1.7, 53.1, 71.1, 71.2, 72, 77.3, 78.1, 82, 103.1, 105.1, 220 və 221-ci maddələrinin tələblərini pozaraq, həmin cəmiyyətlərin qeydiyyatda olduğu vergi orqanına təqdim etdiyi bəyannamələrə bilə-bilə təhrif olunmuş məlumatlar daxil etməklə, vahid niyyətlə, xüsusilə külli miqdar təşkil edən 2.821.686,30 manat məbləğində vergiləri dövlət büdcəsinə ödəməkdən yayınıb.

Xəbərin oxunma sayı : 949