“Report”un yerli bürosu xəbər verir ki, bu barədə Gürcüstanın Daxili İşlər Nazirliyində keçirilən brifinqdə bildirilib.

“Oscar”, “Ələsgər”, “Xomeyni” və müxtəlif ləqəbli digər şəxslər Batumi, Mestia, Marneuli, Dmanisi, Rustavi və Tbilisidə yaxalanıblar. Onlardan biri “Qırmızı körpü” sərhəd-keçid məntəqəsi yaxınlığında Azərbaycana qaçmağa cəhd edərkən saxlanılıb.

Saxlanılanların 4-ü “Lotu Quli” ləqəbli “qanuni oğru” Nadir Səlifovun qardaşı və yaxınlarının adından vətəndaşlara hədə-qorxu gələrək birindən maşınını satmasını, digərindən isə 4 min lari pul tələb ediblər. Əks halda vətəndaşlar və onların yaxınları ölümlə hədələnib.

Saxlanılan şəxsləri 7 ildən 10 ilədək həbs cəzası gözləyir.