Axşam.az-ın məlumatına görə, müğənni "Lider maqazin"ə açıqlamasında bildirib ki, bu aləmdə sevmədiyi insanlar çoxdur:

"Bizim aləm həqiqət yox, nağıldır. Yalançı dostluqlar, münasibətlər, düşmənçiliklər, qalmaqal, mehribanlıq çoxdur. Qəlbə dəymək asandır, yetər ki insan etiraf etsin. Kimsə deyəndə çox dostum var, ona şübhə ilə yanaşıram. Bu aləmdə elə insanlar var ki, onlara arxayın olmaq olar. Adlarını dilə gətirməyəcəm ki, göz dəyər. Xoşlamadıqlarım da var, amma onların varlığı məni narahat etmir. Hər zaman çalışmışam ki, bu aləmdə küsülü insanları barışdırım. 1990-larda indiki kimi asan deyildi, Aygün Kazımova kinolentə klip çəkdi. Ancaq mənə bu qıcıq vermədi. Əksinə mən də konsertlərlə onu keçməyə çalışdım. Həmkarlarımın uğuruna sevinirəm. Məndə olan Aygündə, Aygündə olan məndə yoxdur. İnsanı həyatından silmək üçün ən yaxşı yol onu bağışlamaqdır".