Axşam.az-ın Türkiyə mətbuatına istinadən məlumatına görə, aktrisanın Yeni il tətilində ABŞ-a getməsi və Brodveydə "The Present” oyununu izləməsi pərəstişkarlarını qəzəbləndirib. 

Onlar Dənizin oynadığı “Eşkiya dünyaya hökmdar olmaz” serialının iki həftədir yayımlanmamasını Çakırın bu səyahətinə bağlayıblar. Sosial şəbəkədə fanatlarının tənqidini görən aktrisa haqqında yazılanlara biganə qala bilməyib. O, İnstaqramda sevənlərinə sərt cavab verib:

“Bu, bir tətil deyil, problem kanallar və prodüserlərlə bağlıdır. Yəni serialın efirə getməməsinin mənimlə və aktyor yoldaşlarımla əlaqəsi yoxdur. Mən 17 yaşımdan bəri işləyirəm və bu vaxta qədər heç 5 ay istirahət etməmişəm. Biz 160 dəqiqəlik serialı sizə layiqli şəkildə təqdim etmək üçün 24 saat işləyirik. Sizə olan hörmətimizdən dolayı bir mövsüm boyu komandamızla gecə-gündüz yatmadan çalışırıq. Məncə, siz məni sevməyin! Çünki mən heç sevmədim! Ayıbdır. Yenə də sevgilər...”