AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Meyvə-tərəvəzimizi hara ixrac edək? - Rusiyadan qurtulmağın yolları axtarılır


Tarix 26.02.21, 18:29	Font ölçüsü : - / +

Azərbaycan meyvə-tərəvəzini ixrac etmək üçün yeni bazarları araşdırmağa başlayıb.

AzFakt.com xəbər verir ki, bu barədə bizim.media-nın sorğusuna cavab olaraq İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondundan məlumat verilib.

Bildirilib ki, Körfəz ölkələri və Avropa bazarlarının araşdırılması ilə bağlı işlərə artıq start verilib.

Müvafiq qurumun bu araşdırması yerli sahibkarların da ürəyincədir. Sahibkar Bəşir Quliyev bildirir ki, Avropa və ərəb ölkələrinə çıxmaq iş adamları üçün əlverişli olar:

“Risksiz və dayanıqlı bazar üçün Avropa ölkələri ən yaxşı seçimdir. Əgər heç bir saziş, üzvülük olmasa bizə ən yaxın bazarlara üstünlük verməliyik. Elə ölkələr olmalıdır ki, məhsul ora gedib çıxana kimi xarab olmasın”.

İqtisadçı ekspert Natiq Cəfərli də təsdiqləyir ki, ən cəlbedici bazar Avropa bazarıdır. Çünki, burada 500 milyon əhali yaşayır, 27 ölkəni əhatə edir:

“Sadəcə bu bazara çıxış üçün müəyyən çətinliklər mövcuddur. Bu çətinliklər həm Azərbaycan, həm də Avropa bazarından qaynaqlanan problemlərdir. Azərbaycanın çətinliyi Ümumdünya Ticarət Təşkilatına üzv olmamasındadır”.

Ekspert deyir ki, Azərbaycan Avropa Birliyi ilə saziş bağlamaq üçün uzun zamandır ki, danışıqlar aparır:

“Bu sazişin bağlanması ilə Azərbaycan məhsullarının Avropa bazarına çığarılması xeyli asanlaşacaq. Bu da uzanır. Ümid edirəm ki, bu müqavilə bu il bağlanar. Xarici İşlər Nazirliyi də bu istiqamətdə müsbət açıqlamalar verib”.

Müsahibimiz vurğulayır ki, bizdən qaynaqlanan digər məsələ ondan ibarətdir ki, biz Rusiya bazarının standartlarına öyrəşib, vərdiş etmişik:

“Avropa bazarında qablaşdırma və keyfiyyətin ayrı-ayrı standartları var. Bizim fermerlər belə tələbləri bilmir, bacarmırlar. Bu yöndə dövlət tərəfindən də iş adamlarına kömək lazımdır”.

Kənd təsərrüfatı mütəxəssisi Zülfü Məmmədov söyləyir ki, potensial bazar kimi Azərbaycan meyvə - tərəvəzini Körfəz və Avropa ölkələrindən başqa, Xəzərin o tayına da ixrac edə bilər. Məsələn bura Qazaxıstan, Tacikistan, Qırğızıstan və Baltikyanı ölkələr daxildir:

“Prespektivdə Almaniya,İsveçrə, Skandanaviya ölkələri də yer alır. Hətta Afrikayada meyvə-tərəvəz ixrac edə bilərik. Narımızın ən böyük alıcısı isə Amerika Birləşmiş Ştatlarıdır”- deyə bildirib.

Xatırladaq ki, Prezident İlham Əliyev 2020-ci ilin yekunları ilə bağlı keçirdiyi müşavirədə Azərbaycan kənd təsərrüfatı məhsullarının ixracı məsələsinə yenidən baxması ilə bağlı tapşırıqlar verib.

İxrac, eləcə də ərzaq təhlükəsizliyinin təmin edilməsi üçün kənd təsərrüfatı məhsullarının çeşidinin artırılmalı olduğunu da vurğulayıb.

Xəbərin oxunma sayı : 391