Qol.az-ın Rusiya mətbuatına istinadən yaydığı xəbərə görə, bu sözləri İsveç millisinin sabiq üzvü Zlatan İbrahimoviç deyib. Mundialı izləmək üçün qonşu ölkədə olan 36 yaşlı forvard yığmadan kənarda qalmasının səbəblərini açıqlayıb:

“Milli komandada oynayan futbolçularla deyil, federasiyada çalışan insanlarla konfliktim olub. Yığmada kimin baş məşqçi olacağını onlar həll edirlər. İsveç millisi haqda nə deyə bilərəm? Sadəcə, oyundan zövq alın. Mən olmadığım üçün stress də olmayacaq. Düşünürəm ki, yığmanın hazırda elə bir məsuliyyət yükü yoxdur. Çünki mən komandada deyiləm. Mən oynayanda hər oyunda qalib gəlməyə borclu idik. Bu, mənim qanımda var ki, hamını udmaq istəyirəm. Misal üçün, niyə Almaniyanı maşın adlandırırlar? Çünki həmişə yaxşı oynayırlar, fantastik futbolçuları var. Məncə, hər bir komandada onu gücləndirə bilən ulduz olmalıdır. Ona görə də Almaniya favorit hesab olunur. Bu komandanın statusu heç kimi təəccübləndirmir”.