"Kommersant.az" bankın açıqladığı hesabata əsasən xəbər verir ki, "NBC Bank"ın cəmi aktivləri 293 mln. 711 min manat olub ki, bu da 2018-ci ilin yekun hesabatı ilə müqayisədə 10 mln. 335 min manat çoxdur. Bundan başqa bankın cəmi öhdəlikləri 2018-ci ilin yekunu ilə müqayisədə 10 mln. 104 min manat artaraq 235 mln. 378 min manat çatıb. Bankın balans kapitalı 0,5% azalaraq 58,332 milyon manata düşüb.

"NBC Bank"ın kredit portfeli (müştərilərə verilmiş kreditlər - məqsədli ehtiyatlar çıxılmaqla) 213 mln. 645 min manat olub ki, bu da 2018-ci ilin yekun hesabatına görə 9 mln. 176 min manat çoxdur. Bankın müştərilərdən topladığı depoziti isə 5 mln. 357 min manat azalıb.

"NBC Bank" 2019-cu ilin 2ci rübündə 184 min manat xalis mənfəət əldə etsə də bankın faiz zərəri 423 min manat təşkil edib. Bankın xalis mənfəəti 2018-ci ilin yekunu ilə müqayisədə 965 min manat ötən ilin eyni dövrü ilə müqayisədə 90,1% və yaxud təxminən 10 dəfə azdır. Bankın faiz zərəri isə 2 mln. 697 min manat çoxalıb.

"NBC Bank"ın məcmu kapitalı 2018-ci ilin yekunu ilə müqayisədə cuzi artıb. Belə ki, 2018 -ci illə müqayisədə bankın məcmu kapitalı 244 min manat artaraq 57 mln. 332 min manat çatıb.