Hazırda ikili danışmır. Çünki H.Abdullayev bir neçə il öncə Röyaya qadağa qoyub. Belə ki, Röya hazırda fəaliyyət göstərməyən ANS televiziyasında çıxış edərkən simpatiya bəslədiyi ictimai-siyasi şəxslərin adlarını çəkərək, həmin şəxslərin onun sənətinə böyük qiymət verdiyini deyib.

Röya həmin şəxslərdən biri kimi SOCAR-ın prezidenti Rövnəq Abdullayevin adını çəkib. O, Röyanın Rövnəq Abdullayevə simpatiya bəsləməsini müğənninin əskikliyi kimi qiymətləndirib və onunla iş birliyinə son verib, “Sənə görə” mahnısından sonra Röyaya əsər verməkdən imtina edib.

Qrup ilə N.Abdullayevin arasında da qalmaqal yaşanıb. Belə ki, “Şeron” üzvləri onun bəstələdiyi “Susma” mahnısını ifa ediblər. Daha sonra N.Abdullayev sözügedən bəstəyə Azərbaycanda xalqı mübarizəyə səsləyən video-rolik hazırladıb. Bu isə ölkədə rezonans doğurub. Qrup üzvləri məsələ ilə bağlı mətbuat konfransı keçirib.

“Şeron” qrupunun üzvü Ülvi Cəfərov bəstəkar Hüseyn Abdullayevin internetdə yaydığı "Susma" klipi ilə heç bir əlaqəsi olmadığını, mahnının vətənpərvər mövzuda olduğu üçün oxuduqlarını bildirib. Onlar klipə görə mahnıdan imtina etdiklərini deyiblər.

Qeyd edək ki, “Susma” klipində Bakıda keçirilən aksiyalardan görüntülər yer alıb.