AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Payızda bizi daha pis nəticə gözləyir” - Həkimlərdən qorxudan proqnoz


Tarix 16.09.20, 10:25	Font ölçüsü : - / +

Pandemiyanın ikinci dalğasının gəldiyi söylənsə də, əvvəlki panika müşahidə olunmur. Hətta belə demək olarsa, COVİD-19 infeksiyasının təhlükəliliyi arxa plana keçməkdədir. İstər başqa ölkələrdə, istər Azərbaycanda karantinin yaratdığı təcrübə, necə yaşamaq qaydaları, xəstəliyin nə dərəcədə qorxulu olub-olmadığı presedentləri artıq insanlarda bir arxayınlıq yaradıb. Elə adamlar var ki, hələ də koronavirusun varlığına, pandemiya səviyyəsində yayıldığına inanmırlar. Bir çoxları isə ikinci dalğanın böyük zərbə vuracağını gözləmirlər. Yəni pandemiyanın ilk həmləsi daha qüvvətli və təsiredici idi. Çünki o zaman indiki qədər təcrübə, qorunma yolları yoxuydu.

İndi isə Azərbaycanda koronavirusa yoluxanların müalicəsi üçün modul tipli xəstəxanalar istifadəyə verilib, xaricdən mütəxəssislər cəlb olunub, regionlarda infeksiyanın yayılması minimuma endirilib, vətəndaşlar maska taxmaq, dezinfeksiya etmək qaydalarını vərdişə çevirirlər, üstəlik, Rusiya peyvənd kəşf edib və beləliklə, pandemiya gündəmdən çıxır, marağı itirir.

Tibb elmləri doktoru, Meçnikov adına Peyvənd və Profilaktika İnstitutunun laboratoriya müdiri Mixail Kostinov inanır ki, istənilən halda payızda ikinci dalğa baş verəcək.

Tibb Universitetinin Tədris Cərrahiyyə Klinikasının dosenti Ədalət Rüstəm isə belə düşünmür. Həkimin “Yeni Müsavat”a bildirdiyinə görə, Azərbaycanda pandemiyanın hələ birinci dalğası qurtarmayıb.

Onun fikrincə, xəstəliyin ilk mərhələsi başa çatmamış ikinci dalğa haqda fikirləşmək tezdir: “Bu, futbolda pley-of oynamadan qrupa düşməyi müzakirə etməyə bənzəyir. Bizdən fərqli olaraq, Gürcüstanda artıq ikinci dalğa başlayıb. Onlarda gündəlik yoluxma sayı 2-3 nəfərə düşmüşdü, amma gördünüz ki, birdən qalxdı. Bir azərbaycanlı həkim üç ay qabaq proqnoz vermişdi ki, Gürcüstanda yoluxma artacaq və dediyi düz çıxdı. Bizi də payız dalğası gözləyir. Üstəlik, insanlarımız heç də təcrübə toplamayıblar. Hələ də karantin qaydalarına əməl edilmir, arxayınlıq var. Ona görə biz hələ ki koronavirusun birinci hücumuna uduzuruq.

Payızda isə bizi daha pis nəticə gözləyir. Hətta adi qripi COVİD-19-la qarışdırıb koronavirus kimi müayinə edəcəklər".

Adil Qeybulla Operativ Qərargaha MÜRACİƏT ETDİ » Guninfo.az

Professor Adil Qeybulla isə qeyd edib ki, bir çox Avropa ölkəsində koronavirusun ikinci dalğası başlayıb və ÜST bununla bağlı həyəcan təbili çalır: “Hazırda Avropada yoluxma tədricən yüksəlməkdədir. Buna görə də həmin ölkələrdə pandemiyanın ikinci dalğası elan edilib. Bizdə isə bu reinfeksiyadır, onu ikinci dalğa adlandırmaq olmaz. Azərbaycanda birinci dalğa qurtarmamış ikinci dalğanın olması gözlənilmir. Hazırda ən böyük problem payız vaxtı soyuqdəymə xəstəlikləri ilə COVİD-19-un diferensiyasiyası ola bilər. Bundan sonra isə virusun təxminən zəifləyib yoxa çıxacağı proqnozlaşdırılır. Əsas qorxumuz payızda mövsümi soyuqdəymə xəstəlikləridir. Bu, öz növbəsində COVİD-lə qarışıqlıq yarada bilər”.

Milli Məclisin Səhiyyə komitəsinin üzvü İlham Məmmədov teleqraf.com-a deyib ki, payız yaxınlaşır, mövsümü xəstəliklər artır. "Əldə edilmiş müsbət dinamika hər an pozula bilər. Yoluxma hallarının artma ehtimalları hələ də yüksəkdir.

Bu günə kimi Cənubi Qafqaz regionunda ən az yoluxma halı qeyd edilən qonşu Gürcüstanda da artıq vəziyyət pisləşib. Avropanın bir çox ölkələrində artıq ikinci dalğa başlayıb. Eyni zamanda Avstriyada, Almaniyada, İngiltərədə yenidən qaydaların sərtləşmə metodları üzərində işlənilir. Qardaş Türkiyədə açıq havada belə tibbi maskadan istifadə zəruri olub", - deyə deputat bildirib. Onun fikrincə, yenidən sərt karantin qaydalarına dönməmək üçün hər birimiz məhsuliyyətimizi dərk etməliyik.

Qeyd edək ki, Azərbaycanda indiyədək ümumilikdə 38403 nəfər koronavirus infeksiyasına yoluxub. Onlardan 35860 nəfər müalicə olunaraq sağalıb, 564 nəfər vəfat edib, aktiv xəstə sayı 1979 nəfərdir.

Xəbərin oxunma sayı : 712