Bu barədə Böyük Britaniya Müdafiə Nazirliyinin kəşfiyyatçıları Tvitter-səhifədə dərc olunmuş hesabatda bəyan ediblər. Hesabat cümə axşamı, sentyabrın 22-də dərc olunub (Obozrevatel.com).

Mətbuat xidməti xatırladıb ki, Putin qismən səfərbərlik elan edib, Rusiya Federasiyasının (RF) müdafiə naziri Sergey Şoyqu isə planlaşdırılmış çağırışçıların sayını göstərib - 300 min nəfər.

«Hər şeydən əvvəl, Rusiya logistik və administrativ problemlərlə qarşılaşacaq - hətta 300 min nəfərin toplanışı mümkün olsa da» - hesabatda deyilir.

Ehtimal ki, hərbi rəhbərlik yeni birləşmələrin hissələrini cəbhəyə çıxaracaq, ancaq o, çətin ki, bir neçə ay ərzində döyüş qabiliyyətli olsun.

Üstəlik, belə gözlənilməz qərar Putin üçün siyasi riskli olacaq. Britaniya kəşfiyyatında qeyd olunduğu kimi, bu, faktiki olaraq, onun etirafıdır ki, Rusiya Ukraynaya qarşı döyüşmək istəyən könüllülər ehtiyatını tükədib.