Fanat.Az klubun rəsmi saytına istinadən xəbər verir ki, Ağdam təmsilçisi "Çerno More”nin (Bolqarıstan) mərkəz yarımmüdafiəçisi Patrik Andradeni transfer edib. 27 yaşlı futbolçu ilə imzalanan müqavilənin müddəti açıqlanmayıb.

Qeyd edək ki, Kabo Verde vətəndaşı olan Patrik Portuqaliyada "Ribeyrao”, "Yoan”, "Moreyrense”, "Famalikao” və "Saliueyros” klublarında da oynayıb.

Xatırladaq ki, "Qarabağ" yay fasiləsində Donald Gerye, Emil Balayev, Kevin Medina, Uroş Matiçi də heyətinə qatıb.