AzFakt.com xəbər verir ki, bunu "Fənərbaxça"nın idman direktoru Emre Belözoğlu "CBC Sport" telekanalında yayımlanan "Türkiyədən futbol" verilişinə açıqlamasında Dağlıq Qarabağ münaqişəsi barədə danışarkən deyib.

Veteran futbolçu hər zaman dualarının və dəstəklərinin Azərbaycanın yanında olduğunu vurğulayıb: "Qarabağ işğaldan azad olunduqdan sonra orada oyun keçirmək istəyirik. Ümid edirəm ki, tezliklə Qarabağ erməni işğalından azad olacaq. Orada futbol oynamaq bizim üçün böyük xoşbəxtlik olardı".

Klubun seleksiya qrupunda Azərbaycan futbolunu izləyən nümayəndələri olduğunu bildirən Belözoğlu ona hesabatların göndərildiyini deyib: "Fənərbağça"da yeni vəzifəyə təyin olundum. Burada ən yaxşısını etmək üçün mübarizə aparaam. Azərbaycan xalqının dualarına ehtiyacım var. Qan bağlılığımız olduğu üçün hər zaman gözümüz orada olacaq".

Qeyd edək ki, 40 yaşlı Belözoğlu 2019/20 mövsümünün sonunda futbolçu karyerasını başa vurub.