Qol.az-ın xarici KİV-lərə istinadən yaydığı xəbərə görə, afrikalı oyunçu 47 yaşlı mütəxəssisi irçilikdə günahlandırıb: "Mançester Siti"də özümü  fiziki olaraq həmişə hazır vəziyyətdə tutmağa çalışdım. Məşqlərdə komandanın ən yaxşı və ən gənc oyunçuları ilə eyni səviyyədə olduğumu göstərdim. Ancaq sonra anladım ki, bu fiziki məsələ deyil. Səbəbini bilmirəm, amma Qvardiola həmişə mənə paxıllıq edib. Məni özünə rəqib olaraq gördü. Mənə etdilərini İnyestaya edərdi? Biz afrikalılar hər zaman digər oyunçularla eyni münasibəti görmürük. Bundan narazı olan ilk adam mən deyiləm. Ancaq ədalətsizliklərə daha çox afrikalı futbolçular məruz qalır. Qvardiola əfsanəsini yıxan insan olmaq istəyirəm".

Turenin sözlərinə görə, Qvardiola özünü elə aparır ki, sanki irqçi deyil: "Çünki o, çox ağıllıdır. Ancaq nə vaxtsa 5 afrikalı futbolçunun oynadığı komandaya başçılıq etsə, ona tort göndərəcəm".

Qeyd edək ki, mövsümün sonunda Qvardiolanın istəyilə "Mançester Siti"dən ayrılan Ture 2010-cu ildə "Barselona"dan da eyni səbəbdən göndərilmişdi.