İranın sərhəd qoşunları komandanı general-mayor Qasım Rzayi mətbuata açıqlamasında bildirib ki, sərhədçilər İran-Əfqanıstan sərhədində narkotik maddələrin qaçaqmalçılığı ilə məşğul olan silahlı dəstə ilə toqquşub. Qaçaqmalçılar İranın Sistan və Bəlucistan bölgəsinə qanunsuz narkotik maddə və silah-sursat keçirməyə cəhd göstəriblər, lakin bu zaman xidmət aparan sərhədçilərin müqavimətinə rast gəliblər. Silahlı toqquşma nəticəsində iki qaçaqmalçı məhv edilib. Qalanları isə yüklərini ataraq Əfqanıstan tərəfə qaçıblar. Yüklərə baxış zamanı müxtəlif tipli narkotik maddə və silah aşkar edilərək götürülüb. General-mayor təəssüf hissi ilə qeyd edib ki, silahlı toqquşmada iki iranlı sərhədçi də həlak olub. (Azərtac)