Politoloq deyib ki, Rusiya və Türkiyə arasında bir sıra ortaq layihələrin gerçəkləşməsi Qarabağla bağlı danışıqlar prosesinə təkan verə bilər: “Hazırda Ankara-Moskva əlaqələri yüksələn xətlə inkişaf edir. Rusiya Türkiyə ilə strateji tərəfdaşlıq münasibətlərinin inkişafında maraqlıdırsa, o zaman Dağlıq Qarabağ məsələsinin nizama salınmasında da səylərini artırmalıdır. Hesab edirəm ki, hazırda Moskvanın bu istiqamətdə İrəvana təzyiq rıçaqları kifayət qədərdir. Türkiyə və Rusiya prezidentlərinin Dağlıq Qarabağ məsələsi ilə bağlı danışıqlara başlaması tamamilə real görünür. O üzdən Dağlıq Qarabağ məsələsində artıq yeni bir mərhələnin başladığını söyləyə bilərik. Problemin həlli yönündə Rusiyada ciddi müzakirələrin gedəcəyini istisna etmirəm”.

Qeyd edək ki, Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğanın yaxın vaxtlarda Dağlıq Qarabağ məsələsinə görə bir araya gələcəyi gözlənilir.