Fanat.Az "El Mundo"ya istinadən xəbər verir ki, yerli hakimiyyət ölkənin DÇ-2030-a ev sahibliyi etmək şansını artırmaq üçün Luka Modriç və Kərim Benzemanın Səudiyyə Ərəbistanı klublarında oynamasını arzulayır.

Xəbərə görə, "Real"la olan müqavilələrinin müddəti cari mövsümün sonunda başa çatacaq Modriçlə Benzemanın hərəsinə illik 30 milyon avro maaş təklif ediləcək. Mənbə ərəblərin artıq sözügedən ulduzlarla danışıqlara başladığını vurğulayıb. 

Qeyd edək ki, portuqaliyalı superulduz Kriştianu Ronaldu artıq Səudiyyə Ərəbistanının "Əl-Nəsr" klubunun formasını geyinir. Onun illik 217 milyon avro təşkil edən maaşının 10 faizinin "Əl-Nəsr"in, qalan hissəsinin isə ölkənin büdcəsindən ödənildiyi barədə məlumatla yayılıb.