AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

“Rusiya getdikcə daha çox Türkiyə ilə üzləşməyə hazır olmalıdır” - Qərb mediası Qarabağdan nə yazır?


Tarix 23.11.20, 16:56	Font ölçüsü : - / +

"Ermənistanla Azərbaycan arasında ədavət müvəqqəti dayandırılıb". “The New York Times” qəzeti redaksiya məqaləsində yazıb ki, atəşkəs silahları susdurdu, dronları durdurdu. Bu yaxşıdı, ancaq tərəflərin ədavəti sadəcə güclər balansının dəyişməsi ilə yeniləndi, həll olunmadı.

“Qaçan ermənilərin yandırdığı evlər bu düşmənçiliyin yenə alovlanacağını vəd edir. Dini və mədəni hekayətlərin yer aldığı münaqişələrin iblisanə məntiqi isə zorakılıq hər dəfə alovlananda kədər qatının qatılaşdığını göstərir, davamlı sülh bir az da uzaqlaşır”, – məqalədə deyilir.

Qəzet qeyd edir ki, Rusiyanın münaqişədə atəşkəs əldə etməsini çökmüş imperiyanın keçmiş subyektləri üzərində nəzarəti bərpa etməsi kimi qələmə vermək cəlbedicidir. Ancaq fakt odur ki, Rusiya regional qarşıdurmaya keçə biləcək münaqişəni dayandırmağa qadir yeganə ölkə idi.

Di gəl, Rusiya tam bir zəfərlə də öyünə bilmir. “İndi Moskva azı beş il ərzində təlatümlü bir regiona 2 minədək sülhməramlı göndərməli, ağırlığını ortaya qoymağa getdikcə daha artıq hazır Türkiyə ilə üzləşməyə hazır olmalıdır”, – məqalədə vurğulanır.

“The Washington Post” qəzetində Robin Dikson da Dağlıq Qarabağda atəşkəs əldə olunmasına baxmayaraq, risklərin böyük olduğunu yazıb. “Rusiyanın etdiyi yerdəki qələbələri sistemləşdirmək oldu”, – Stenford Universitetinin Freeman Spogli Beynəlxalq Araşdırmalar İnstitutunun direktoru Maykl MakFol qəzetə deyib.

“İstəyirsiz razılaşın, istəyirsiniz yox, bu razılaşma Vladimir Putin üçün diplomatik qələbədir və ona sülhməramlı rolunu oynamağa imkan verir”, – MakFol sözlərinə əlavə edib.

Ancaq təhlilçi xəbərdarlıq edir ki, hərtərəfli sülh paktı olmadan atəşkəsin uzun müddət saxlanması mümkün deyil.

“Bunu sülh sazişi adlandırmağa tərəddüd edirəm. Dağlıq Qarabağ məsələsinə sənəddə heç toxunulmur. Buna görə də bu, münaqişənin uzunmüddətli həlli üçün əsas ola bilməz. Bu, daha çox fasilə verməyə bənzəyir”, – Londonda mənzillənən “Chatham House” beyin mərkəzindən Qafqaz regionu üzrə ekspert Lorens Broers deyir.

Broersin fikrincə, Rusiyanın uzunmüddətli məqsədi Ermənistan və Azərbaycan üzərində nüfuzunu saxlamaqdır.

"Rusiya münaqişənin gələcəkdə alovlanmasını önləmək istəyirsə, bu iki ölkə arasında münasibətlərində kələkbazlıq etməli olacaq". Bunu isə “EU Observer” portalında Ben Hodges yazıb. Müəllif Cənubi Qafqaz regionunun uzun müddət Qərb tərəfindən gözardı olunduğunu vurğulayır. “Böyük güclərin rəqabəti dövrünü yaşayırıq və inanıram ki, böyük güclərin rəqabəti böyük güclərin münaqişəyə girməsini önləyir. Bir regiona, məkana, yaxud tədbirə marağını nümayiş etdirməklə potensial düşmənə deyirik ki, bunu vecimizə alırıq, oraya resurs ayırırıq və bu strateji marağı müdafiə edəcəyik”, – yazan müəllif bu rəqabətin diplomatiyanı, informasiyanı, ordunu və iqtisadiyyatı əhatələməli olduğunu vurğulayır.

Müəllif Dağlıq Qarabağda təşəbbüsün Kremlə ötürüldüyünü və indi Avropanın nəticəni müşahidə etdiyini yazır.

“Azərbaycanın tərkib hissəsi olan Dağlıq Qarabağ regionu Avropa və Avrasiyanı Rusiya və İrandan yan keçməklə birləşdirən yeganə şərq-qərb quru dəhlizidir. Burası daha geniş Qara Dəniz regionunda iqtisadi potensialın inkişaf etdirilməsi üçün açar rolunu oynayır və Qərb bundan artıq ləngiməməlidir”, – müəllif qeyd edir. (azadliq.org)

Xəbərin oxunma sayı : 730