Apasport.az saytının məlumatına görə, U-23 millimiz adını artıq finala yazdırmağı bacarıb.

 

Mübarizəyə A qrupunda başlayan Yaşar Vahabzadənin yetirmələri keçirdikləri 3 görüşün 1-də qələbə qazanıb, 2-də isə heç-heçə edərək, yarımfinala adlamışdılar. Qrupda aktivinə 5 xal yazdıran və qapısında top görməyən Azərbaycan yığması digər qrupun lideri Əlcəzairi sınağa çəkib.

 

Komandamız hər hissədə bir qol vuraraq, yoluna davam edib. Ev sahiblərinin qollarına “Neftçi”nin futbolçuları Ruslan Abışov və Məqsəd İsayev imza atıblar. İslamiadada hələ də qapısının toxunulmazlığını qoruyan millimiz mayın 21-də final qarşılaşmasına çıxacaq.

 

Həlledici görüşdəki rəqib Kamerun – Oman cütünün qalibi olacaq.

 

İslam Həmrəylik Oyunları

Futbol

Yarımfinal

 

Əlcəzair – Azərbaycan - 0:2

 

Qollar: Ruslan Abışov, 39; Məqsəd İsayev, 58

 

Azərbaycan: 1. Şahruddin Məhəmmədəliyev, 5. Sadiq Quliyev, 6. Rəşad Sadiqov, 7. Coşqun Diniyev, 8. Elşən Abdullayev, 9. Ağabala Ramazanov, 11. Mahir Mədətov, 15. Ruslan Abışov (k), 19 Məqsəd İsayev, 20. Azər Salahlı, 21. Vüqar Mustafayev

Ehtiyat oyunçular: 12. Tərlan Əhmədli, 22. Emil Balayev, 2. Rahil Məmmədov, 3. Azad Kərimov, 4. Adil Nağıyev, 16. Elvin Camalov, 10. Orxan Əliyev, 13. Elnur Cəfərov, 14. Yusif Nəbiyev, 17. Mirabdulla Abbasov, 18. Tellur Mütəllimov, 23. Fəhmin Muradbəyli

 

Baş məşqçi: Yaşar Vahabzadə 

"Dalğa Arena"