Qol.az-ın məlumatına görə, bu sözləri "Qarabağ”ın baş məşqçisi Qurban Qurbanov Topaz Premyer Liqasının 13-cü turunda “Keşlə”yə 5:1 hesabı ilə qalib gəldikləri oyundan sonra keçirilən mətbuat konfransında deyib. Daha sonra o, jurnalistlərin suallarını cavablandırıb.

- İlk hissədə də Ozobiçlə 2 qol epizodumuz oldu. Bəzən qol imkanlarından çətin yararlanırsan. Bəzən isə bugünkü kimi alınır. Oyuna eyni aqressiya ilə başlamışdıq. İkinci hissədə fərqli bir şey yox idi. Sadəcə, bu dəfə şanslardan yararlana bildik.

- Belə düşünmürəm. Fərqli turnirlərdir və bunlara fərqli yanaşıram. Bizim üçün nəticə önəmlidir. “Sportinq”lə görüş bizim üçün ağır məğlubiyyət idi. Nə qədər istəsək də, bu məğlubiyyət yaddan çıxmayıb. Bu gün isə qələbə qazanmaq üçün meydana çıxmışdıq.

- Uçurum deməzdim, fərq böyükdür. “Sportinq” avrokubok təcrübəsi olan komandadır. Fərqləndirmək istəməzdim. Çox fərq olduğunu demək istəməzdim. Həm Portuqaliya çempionatı bizim liqadan, həm də “Sportinq” bizdən güclüdür. Daha çətin komandalar olub ki, onlara qarşı yaxşı mübarizə aparmışıq. Bəzən bəxtimiz də gətirib. Amma “Sportinq”lə görüşdə qapıya gələn hər top qolla nəticələndi.

- Sırf püşkatma ilə bağlı idi. Zəng vurub Zaur Axundovdan xahiş elədim ki, Tərlanla məsləhətsin. Həmən də razılaşdılar. Sağ olsunlar, onlara təşəkkür edirəm.

- Avropa çempionatının ev sahiblərindən biriyik. Ümumi söhbətimiz oldu, problemləri müzakirə etdik. Onsuz da futboldan danışmalıyıq da.

- Bu gün səhər gəlmişəm. Bizə tanış komandalar olsa da, futbol günü-gündən inkişaf edir. Biz onlarla daha yaxından maraqlanmalı, çox məlumat toplamalıyıq. Stabil nəticə üçün oyununu yaxşılaşdırmalısan. Tam yaxından tanış olandan sonra daha yaxşı fikir bildirə bilərəm. Hər oyunda meydana maksimum nəticə üçün çıxmalıyıq. Hər bir oyun bizim üçün böyük təcrübə və təkandır.