ARB TV-nin "Günə doğru" proqramı mövzu ilə bağlı maraqlı süjet hazırlayıb.  

İsa Əliyev - Qida Mühəndisi: "Həmin firma sırf son istifadə tarixindən bir neçə gün qabağa düşmək üçün müştəriləri aldadaraq, istehlakçını aldadaraq, istehal edilmiş gündən bir neçə gün sonraya yazmış ola bilər”.

Kanalın əməkdaşları sözügedən kəsmiyin satıldığı paytaxtın zabrat qəsəbəsindəki marketə yollanıb. Çəkiliş etməyə mane olan marketin administratoru buna görə, məsuliyətin onlarda yox, kəsmiyin istehsal edən şirkətdə olduğunu bildirib:

Kəsmiyin istehsal edildiyi müəssisənin rəhbərliyi ilə görüşmək mümkün olmasa da, telefonla danışmaq olub. Bildirilib ki, burada texniki səhv olub. Bir qutuda 36 ədəd kəsmik olur ki, onlardan da 13 ədədində tarix səhv düşüb. Buna görə, cavabdeh olan şəxs isə işdən çıxarılıb.

Ekspertlər isə istənilən halda hər kəsi xüsusən qida məhsulları alarkən, daha diqqətli olmağa çağırır. Bəs biz diqqətli oluruqmu?

Sakin: "İstehsal tarixinə baxanda baxıram, ya baxmıram. Köhnədisə qalıb onların insafına”.

Sakin: "Olub ki, vaxtı keçib. Etirazımı bildirmişəm ki, belə olmaz”.

Qida Təhlükəsizliyi Agentliyindən isə bildirilib ki, sözügedən məsələ ilə bağlı onlara da müraciət edilib. Həmin məsələ araşdırılması üçün Agentliyin müvafiq şöbələrinə yönləndirilib. Artıq bununla bağlı araşdırmalara başlanılıb. Araşdırmaların nəticələrinə uyğun olaraq qanunvericiliyin tələbləri çərşivəsində tədbirlər görüləcək.