AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“The Economist“ Putinin ən böyük qorxusunu açıqladı: Onlar məni asacaqlar


Tarix 31.08.26, 15:27	Font ölçüsü : - / +

Vladimir Putin Ukraynadakı müharibəni daha da genişləndirməyə və əlavə yüz minlərlə hərbçi toplamağa hazırlaşa bilər. Kremlə yaxın mənbələr bunu Rusiya prezidentinin müharibəni istədiyi nəticə olmadan başa vuracağı təqdirdə hakimiyyətinin, hətta şəxsi təhlükəsizliyinin riskə düşə biləcəyi qorxusu ilə əlaqələndirirlər.

Musavat.com xarici agentliklərə istinadən xəbər verir ki, bu barədə “The Economist” Kremlə yaxın mənbələrə əsasən yazır.

Nəşrin məlumatına görə, Putin bütün Donbası ələ keçirmədən müharibəni başa vurmağın onun hakimiyyəti üçün təhlükə yarada biləcəyini düşünür.

“The Economist”in həmsöhbətlərindən biri Putinin yaxın çevrəsində hətta belə dediyini iddia edib:“Onlar məni asacaqlar”.

Nəşr bu ifadənin hansı şəraitdə və konkret olaraq kimlər nəzərdə tutularaq səsləndirildiyini açıqlamır.

Mənbələrin bildirdiyinə görə, Putin yay aylarında bir neçə həftə davam edən tərəddüddən sonra eskalasiya yolunu seçib. Ssenarilərdən biri orduya əlavə 300–400 min nəfərin cəlb edilməsidir.

Yeni hərbçilərin açıq şəkildə ümummilli səfərbərlik elan etməkdənsə, regional hakimiyyət orqanlarına təzyiq vasitəsilə toplanması nəzərdə tutula bilər. Bununla Kremlin 2022-ci ildəki səfərbərlikdən sonra yaranmış narazılığın təkrarlanması riskini azaltmağa çalışdığı bildirilir.

Kremlə uzun müddətdir əlaqəsi olan başqa mənbənin sözlərinə görə, Putin CIA direktoru Con Retkliffin Moskvaya son səfərini ABŞ-ın zəifliyinin əlaməti kimi qəbul edib.

“The Economist” Rusiyanın daxilində də gərginliyin artdığına diqqət çəkir. “Levada Mərkəzi”nin məlumatına görə, rusiyalıların 57 faizi ölkədəki vəziyyəti “gərgin” hesab edir. Müharibə, itkilər, yeni səfərbərlik ehtimalı və gələcəklə bağlı qeyri-müəyyənlik əsas narahatlıqlar sırasında göstərilir.

Rusiya elitasında əhvalın daha ağır olduğu bildirilir. Nəşrin mənbələrindən biri müharibənin artıq beş ilə yaxın davam etməsinin yekun nəticədən asılı olmayaraq Kreml üçün uğursuzluq olduğunu söyləyib.

Digər mənbə isə vəziyyəti cəmi iki sözlə ifadə edib:“Çar çılpaqdır”.

Xəbərin oxunma sayı : 1273