Axşam.az xəbər verir ki, bu sözləri müğənni Nadir Qafarzadə "MTV maqazin"ə açıqlamasında deyib. İfaçı müğənnilər Nigar Camal və Rəqsanə İsmayılovanın vanna çəkdirdiyi klipindən danışıb. Nadir Rəqsanənin görüntüdə çılpaq olmasını dəstəkləyib. Ad çəkmədən isə Nigarı tənqid edib.

"Faiq Ağayev özünü elə görmək istəyib. Mən özümü çılpaq görmürəm. Dənizdə, hovuz ətrafında çılpaq görürəm özümü. Amma kamera qarşısında olmaz. El, cəmiyyətin qınağından qorxuram. "Filankəs nə deyər" düşünürəm. Amma səhvəm, bəsdirin xala, qonşu, filankəsi düşündük. Faiq və digərlərinin etdiyinə heyranam".

Həmkarlarının verilişlərə getmək üçün telekanal rəhbərlərindən qonorar istəməsi məsələsinə toxunan Qafarzadə "Haqlıdırlar. İnsan öz haqqını, əməyini tələb edir. Buna aqresiv yanaşma, hörmət göstər. Çağırma, amma müdaxilə etmə. İstəsəm də, olmayacaq, ağır yerimi yüngül etmək istəmirəm" sözlərini deyib.