“Ailə qurmaq istəyirəm” - Pərvin Abıyev “Uşağımı subay kişidən doğmuşam“ - Vəfa Şərifova Aygün Kazımovanı heç belə görməmişdiniz - VİDEO Afaq transparan libasda kamera qarşısına keçdi - VİDEO
Axtar
 
  • / Maqazin / — 09 İyun 2025

    “Ailə qurmaq istəyirəm” - Pərvin Abıyev

  • / Maqazin / — 04 İyun 2025

    “Uşağımı subay kişidən doğmuşam“ - Vəfa Şərifova

  • / Maqazin / — 17 May 2025

    Aygün Kazımovanı heç belə görməmişdiniz - VİDEO

  • / Maqazin / — 13 May 2025

    Afaq transparan libasda kamera qarşısına keçdi - VİDEO

  • / Maqazin / — 12 May 2025

    Nəsrin Cavadzadə transparan libasda - FOTOLAR

  • / Maqazin / — 11 May 2025

    Müğənni Mehindən çimərlik geyimində paylaşım - VİDEO

“Yayda müəllim, şagird və valideynlər üçün onlayn seminar və kurslar keçiriləcək” – Nazirlik

Tarix 22.05.20, 15:52

Font ölçüsü : - / +
bitmap-img6


“Yay aylarında müəllim, şagird və valideynlər üçün onlayn seminar və kursların keçirilməsi nəzərdə tutulur. Ətraflı proqram üzərində işləyirik, yəqin ki, bayram həftəsi ərzində proqramı tam hazırlayıb elan edəcəyik”

Bunu Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov bildirib. Onun sözlərinə görə, ilk növbədə şagirdlər, valideynlər və müəllimlər arasında portal vasitəsilə sorğu keçiriləcək ki, onlara maraqlı olan mövzular və tədbirlər təşkil edilsin:

“Artıq maraq göstərilmiş bir neçə istiqamət var ki, bu istiqamətdə işimizi qururuq. Birinci, ingilis dilinin öyrənilməsi ilə bağlı bütün fənn müəllimləri üçün onlayn seminarlara başlayacağıq. İkinci istiqamət müxtəlif fənlərdə innovasiyaların tətbiqi, riyaziyyat, mühəndislik və s. istiqamətlər üzrə seminarlardır. Proqramlaşdırma, kodlaşdırma ilə bağlı seminarlar keçirmək planımız da var. Eyni zamanda məktəbdənkənar istiqamət üzrə də seminarlar təşkil olunacaq. Məktəbdənkənar mövzular əsasən əl işləri, bədii qiraət, məntiqi riyaziyyat, əyləncəli fizika, dizayn, virtual robototexnika, dama, şahmat, nitq mədəniyyəti və s. məsələlərlə bağlıdır. Mövzu daha çoxdur, ancaq bundan başlamağı planlaşdırırıq”.

İdarə rəisi deyib ki, hazırda valideynlərin onlayn görüşü üzərində də iş gedir: “Çalışırıq sistemi elə quraq ki, valideyn iclasları keçirmək mümkün olsun. Əslində indi də mümkündür, yəni valideynlər şagirdin səhifəsindən girərək müəllimlərlə, sinif rəhbərləri ilə valideyn iclasları keçirə bilərlər. Direktorlar da məktəblərinin bütün müəllimlərini bir yerdə görür və ünsiyyət imkanı yaranır. Məktəb direktorları, direktor müavinləri üçün də qruplar var, orada müzakirələr apara bilərlər. Bu qruplar artıq məktəblər, rayonlar üzrə formalaşıb”. (apa)



Xəbərin oxunma sayı : 313




Sosial

Xəbərlər

ARXİV
Əlaqə | Haqqımızda  
Buy website traffic cheap