Fanat.Az xəbər verir ki, qarşılaşmalar İtaliya və İspaniyada təşkil olunub. "Yuventus" "Ayaks”ı, "Barselona” isə "Mançester Yunayted”i qəbul edib. 

Səfərdəki ilk oyundan 1:1 hesablı heç-heçə ilə ayrılan "Yuventus”a yarımfinala yüksəlmək üçün doğma meydanda qolsuz heç-heçə də kifayət edəcəkdi. "Ayaks” isə tarixdə ilk dəfə Turində qələbə qazanmaq üçün meydana çıxacaqdı. Hərçənd, amsterdamlıları 2:2-dən başlayaraq, məhsuldar heç-heçələr də qane edirdi. Hesabı Ronaldo açsa da, ilk yarıda bərabərlik qolunu vuran Hollandiya təmsilçisi 2-ci hissədə də özünü qonaq kimi aparmayıb. Ardıcıl həmlələrin məntiqi nəticəsi olaraq qələbə qoluna sevinib - 1:2.  

Gecənin digər matçına gəldikdə, evdə 0:1 hesabı ilə məğlub olan Ole Qunnar Sulşerin yetirmələrinin cavab qarşılaşmasında qələbədən başqa şansı yox idi. 20 il əvvəl məhz "Nou Kamp"da Almaniya "Bavariya"sını finalda 2:1 hesabı ilə yenən, tarixində ikinci dəfə Çempionlar Liqasının qalibi olan "Mançester Yunayted” bu dəfə geri dönüş edə bilməyib. Messinin erkən dublu ilə sarsılan "qırmızı şeytanlar" ikinci yarıda daha bir qol buraxaraq darmadağına üzülüb.  

 

Yarımfinala vəsiqə qazanan MY və "Ayaks"ın rəqiblərini sabah tanıyacağını xatırladaq.

Çempionlar Liqası 

1/4 final

Cavab oyunları 

16 aprel 

Qollar: Messi, 16; 20, Koutinyo, 61

Baş hakim: Feliks Brix (Almaniya).

Barselona. "Nou Kamp" stadionu.

 

Qol: Ronaldo, 28 - Van de Beek, 34, De Liqt, 67

Baş hakim: Klemen Turpin (Fransa).

Turin. "Yuventus" stadionu.