Fövqəladə Hallar Nazirliyindən (FHN) virtualaz.org-a verilən məlumata görə, Böhran Vəziyyətlərində İdarəetmə Mərkəzinə daxil olan xəbərdə bildirilib ki, Ağcabədi rayonunun Hüsülü kəndində məcburi köçkünlərin məskunlaşdığı binada (əvvəllər kənd klubu kimi fəaliyyət göstərib) yanğın baş verib.

Dərhal FHN-in Dövlət Yanğından Mühafizə Xidmətinin müvafiq qüvvə və texnikası hadisə yerinə cəlb olunub.

Amma bütün cəhdlərə baxmayaraq, ümumi sahəsi 2000 m2 olan kənd sənətkarlıq evinin 2-ci mərtəbəsində 3 ailənin məskunlaşdığı mənzillər və ev əşyaları 105 m2 sahədə yanıb. Binanın qalan hissəsi yanğından mühafizə olunub.

Yanğın saat 15:49-da söndürülüb.