Belə ki, yeni büdcə ilə ABŞ kiçik nüvə başlıqlı yeni raketlərin istehsalını, Şərqi Avropada hərbi mövcudluğunu artırmağı, öz müttəfiqlərinə, xüsusilə Ukraynaya ciddi yardımlar ayırmağı planlayır.

Həmçinin büdcə qanununda Rusiya ilə imzalanan Açıq səma haqqında müqavilənin dondurulmasını da nəzərdə tutulur.

ABŞ hərbi büdcəsində Türkiyə-Rusiya hərbi əməkdaşlığının önünün kəsilməsi üçün tədbirlər planlanıb. Yeni qanun Ankaraya Rusiyadan S-400 raketləri almaqdan vaz keçməsinə qədər F-35 təyyarələrinin satılmasınıı yasaqlayır.

Digər yandan mətndə Pentaqonun Türkiyə-ABŞ münasibətləri ilə bağlı 90 gün ərzində yeni raport hazırlanması tələbi yer alıb.

Qeyd edək ki, ABŞ liderliyində NATO ölkələrinin 5-ci nəsil F-35 qırıcı təyyarələrinin istehsal proqramına Türkiyə 2002-ci ildə qatılıb və bu layihəyə külli miqdarda pul yatırıb. Ankara ən az 100 ədəd “F-35 Lightining II” təyyarəsi almağı planlayırdı.

Maraqlıdır ki, Türkiyə əleyhinə bu cür davranışa ən çox büdcəni idarə etməli olan qurumun başçısı, yəni müdafi naziri Ceyms Mettis qarşı çıxır.

C.Mettis iyulun 7-də Konqresə yazıdğı məktubunda Tükriyəyə F-35 təyyarəlrinini satılmasının qadağan olunmasının əleyhinə olduğunu bildirmiş və “bunun tədarük prosesində çətinliklər törədə biləcəyini və təyyarənin qiymətini artıracağını” dilə gətirmşdi.