Mohsen Fəxrizadə noyabrın 27-də Tehran yaxınlığında törədilən silahlı sui-qəstdən sonra xəstəxanada ölüb. Onun olduğu avtomobil əvvəlcə partladılıb və daha sonra maşın atəşə tutulub.

Qərb ölkələrinin kəşfiyyat xidmətləri Fəxrizadənin İranın hərbi nüvə proqramına rəhbərlik etməsindən şübhələndi, hansı ki, Tehran belə bir proqramın varlığını qəti şəkildə inkar edir.

“Şəhid Fəxrizadənin öldürülməsi düşmənlərimizin ümidsizliyini və nifrətlərinin dərinliyini göstərir ... Şəhid olması bizim nailiyyətlərimizi yavaşlatmayacaq" - Reuters-in yazdığına görə, bu sözləri də İran prezidenti dövlət televiziyasındakıçıxışı zamanı səsləndirib.

İranın BMT-dəki səfiri Məcid Taxt Ravançi qətlə görə İsrailin məsuliyyət daşıdığını deyib. İRNA-nın məlumatına görə, BMT baş katibinə ünvanladığı mürciətində səfir qətlə yetirilən alimin yeni bir koronavirus infeksiyası ilə bağlıİran testinin hazırlanmasında iştirak etdiyini vurğulayıb.

Ərəbdilli “Al-Alam“ kanalı qətlin arxasında İsrail xüsusi xidmət orqanı olan “Mossad”-ın durduğunu səsləndirib və bundan əvvəl də belə hücumların olduğunu vurğulayıb.

“The New York Times“-ın Amerika kəşfiyyatında olan mənbəsi bu qətlin arxasında İsrail xüsusi xidmət orqanlarının ola biləcəyini ehtimal edib. Amma məlumatda vurğulanır ki, sui-qəsdin hazırlanmasında onların amerikalı həmkarlarının məlumatlı olub-olmadığı bəlli deyil.

Amma bu barədə iddiaların yer aldığı KİV-lərdə İsrailin baş verən hadisəyə hər hansı mövqeyi yer almayıb.

Qəzet qeyd edir ki, Fəxrizadənin öldürülməsi ABŞ-ın yeni seçilmiş prezidenti Co Baydenin Tehranla münasibətləri yaxşılaşdırmaq yolunu çətinləşdirə bilər. Bayden, prezident Donald Trampın pozduğu İranın nüvə anlaşmasını yenidən bərpa edəcəyinə söz verib. Sözügedən anlaşma Tehranın nüvə silahı istehsalından imtina etməsi müqabilində Qərbin tətbiq etdiyi sanksiyaların qismən qaldırılmasını nəzərdə tuturdu. (azadliq.org)