AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Abşeron İcra Hakimiyyətinin həbs olunan əməkdaşı: “Zəng edib dedi ki, 30 min manat istə“


Tarix 12.07.25, 16:08	Font ölçüsü : - / +

Sumqayıt Ağır Cinayətlər Məhkəməsində Abşeron Rayon İcra Hakimiyyətində keçirilən əməliyyat zamanı saxlanılan, rayon icra hakimiyyətinin ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Mirqasım Mirişlinin cinayət işi üzrə məhkəmə prosesi başa çatıb.

Oxu.Az M.Mirişli barəsində olan ittiham aktını təqdim edir:

Məhkəmə prosesində ifadə verən M.Mirişli özünü ittihamlarda təqsirli bilməyib. O qeyd edib ki, 2014-cü ildən Ərazi idarəetmə və yerli özünüidarəetmə orqanları ilə iş şöbəsinin baş məsləhətçisi vəzifəsində işləyib və işlədiyi dövrdə heç vaxt rüşvət almayıb. Tutduğu vəzifə ilə əlaqədar ərazi icra nümayəndəlikləri ilə qarşılıqlı şəkildə işləyib:

"Vətəndaşların ərazi icra nümayəndəliklərinə olan hər hansı müraciəti icra hakimiyyətinə yönləndirirdilər. İcra nümayəndəsi bir vətəndaşı mənə yönləndirmişdi. Həmin şəxs mənə zəng edərək, özünəməxsus torpaq sahəsində konstruksiya yerləşdirmək istədiyini bildirdi. Azər Gülməmmədovla danışdım, Azər dedi ki, 30 min manat istə. Həmin şəxsə dedim ki, sənədləri götür, gəl yanıma. Yanına gəldi, sənədləri təqdim etdi. Baxdım ki, onun torpaq sahəsinə dair çıxarışı və tikilinin eskiz layihəsi var. Bütün sənədlər olduğuna görə konstruksiya quraşdırmasında heç bir problem olmayacaqdı. Ondan 30 000 manat istədim. O, 25 min manat düzəldə biləcəyini dedi və razılaşdıq. Azər dedi ki, Abdin Fərzəliyevdən şifahi razılıq alacağam.

Pulu dostumdan xahiş etdim, o götürdü. Həmin şəxsə demişdim ki, guya pulu almağa göndərdiyim şəxs icra başçısı Abdin Fərzəliyevin qohumudur. Əslində isə həmin şəxs mənim dostum idi, icra başçısı ilə heç bir qohumluğu yox idi".

Təqsirləndirilən şəxs ifadəsində bildirib ki, alınan pullar Abdin Fərzəliyevə çatırdı: "Abdin Fərzəliyev atamı qəbul edib və bildirib ki, cinayət əməlini oğlun öz üzərinə götürsün, buna görə ona köməklik göstərəcəyəm.

Pulun alınmasında mən yalnız vasitəçilik etmişəm. Alınan pul Azərə çatası idi. Torpağın təyinatı, rəsmi icazəsi icra hakimiyyətində olmadığı üçün Azər pulu alıb, Abşeronun icra başçısı Abdin Fərzəliyevə verəcəkdi.

Mənim telefonunda sübutlar var. Mənə heç kəs heç nəyi həvalə etməmişdi. İcra hakimiyyəti ilə əlaqəli işləmişəm. Pulu Azərə çatdırması üçün Bəhruza vermişəm. Torpaq sahəsində tikintiyə göz yumulması üçün 25 000 manat verilib. O puldan mənə bir manat da qalmayıb.

1 ildir ki, ailəmə baxan yoxdur. Atam ürək xəstəsidir, icra hakimiyyətinin başçısı Abdin Fərzəliyev isə verdiyi vədə əməl etmədi".

Şahid ifadələrindən sonra məhkəmə istintaqı başa çatıb və prosesdə təqsirləndirilən şəxsə hökm oxunub.

Məhkəmənin hökmü ilə M.Mirişli 1 il 6 ay dövlət və yerli özünü idarəetmə orqanlarında rəhbər və maddi məsul vəzifə tutma hüququndan məhrum edilməklə beş il azadlıqdan məhrum olunub.

İttihama görə, Abşeron Rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Mirqasım Mirişlinin qanunsuz əməlləri barədə daxil olmuş məlumat əsasında Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.

Əməliyyat-istintaq tədbirləri ilə Mirqasım Mirişlinin Abşeron rayonu ərazisində kənd təsərrüfatı təyinatlı torpaq sahəsində tikinti işlərinin aparılmasına razılıq verilməsi və ümumi himayədarlıq göstərilməsi üçün ona müraciət etmiş vətəndaşdan tələb etdiyi 30 min manat pul vəsaitinin 25 min manat hissəsini rüşvət qismində almasına əsaslı şübhələr müəyyən edilib.

Həmin vəzifəli şəxs qeyd edilən rüşvət məbləğini vətəndaşdan alarkən cinayət başında yaxalanıb, onun xidməti otağı və avtomobilində aparılmış axtarışlarla iş üçün əhəmiyyət kəsb edən maddi sübutlar aşkar edilərək götürülüb. Mirqasım Mirişliyə Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə etmə) və 311.3.3-cü (külli miqdarda rüşvət alma) maddələri ilə ittiham elan edilərək barəsində məhkəmənin qərarı ilə həbs qətimkan tədbiri seçilib.

Xəbərin oxunma sayı : 715