Bu barədə İsrail mətbuatı məlumat yayıb. Bildirilir ki, iyunun 9-da iki komanda arasında yoxlama oyununun kieçiriləcəyi artıq dəqiqləşib. Tərəflər arasındakı razılığa əsasən, Lionel Messi həmin matçda azı 60 dəqiqə meydanda olmalıdı. Bu oyuna görə İsrail tərəfi Argentina Futbol Federasiyasına 3 milyon dollar ödəyəcək.

İsrail mətbuatının iddiasına görə, AFFA bundan daha artıq təklif edib. Ancaq Argentina tərəfi yekunda İsrailin daha uğurlu seçim olacağı qənaətinə gəlib. Bunun bir səbəbi isə federasiya rəhbərliyinin komanda üzvlərinin mundial öncəsi Qüdsdəki müqəddəs yerləri görməsinin onları daha yaxşı motivasiya edəcəyini düşünməsi olub.

Xatırladaq ki, Azərbaycan və Argentina millilərinin yoldaşlıq oyunu keçirməsi ilə bağlı ehtimal keçən ilin noyabrında da olmuşdu. Həmin zaman vaxt azlığı səbəbindən AFFA-nın bundan imtina etdiyi deyilirdi. Başqa bir məlumata görə isə argentinalı ulduzlar Azərbaycanı uyğun rəqib kimi görməmişdilər. Nəticədə bu yığma Krasnodarda Nigeriya ilə yoxlama oyunu keçirmişdi.

Onu da əlavə edək ki, İsrail - Argentina matçının baş tutacağı 9 iyun tarixində millimiz Latviya ilə yoxlama oyunu keçirəcək.

Aut.az