Fanat.Az xəbər verir ki, yarımfinalın ilk oyununda Seneqalla Tunis qarşılaşıb. Əsas vaxtda hər komanda bir penaltidən yararlana bilməyib və qalib müəyyənləşməyib. Finalçının adına əlavə vaxtda aydınlıq gəlib. 100-cü dəqiqədə topu öz qapısına göndərən Dilan Bronn Seneqalın finala çıxmasına səbəb olub.

 

Digər yarımfinal oyununda isə Əlcəzair Nigeriyanı 2:1 hesabı ilə məğlub edib. Hesab 40-cı dəqiqədə açılıb. Nigeriyalı Uilyam Troost-Ekonq avtoqola imza ataraq Əlcəzairi sevindirib. 72-ci dəqiqədə Odion İqalo penaltidən bərabərliyi təmin etsə də, "Mençester Siti"nin ulduzu Riyad Mahrez 90+5-ci dəqiqədə komandasını finala çıxaran qola imza atıb.

Qeyd edək ki, turnirin 3-cü yer uğrunda oyunu iyulun 17-də Tunis və Nigeriya arasında keçiriləcək. Final matçı isə iyulun 19-da Seneqal və Əlcəzair arasında baş tutacaq.