Qaynarinfo xəbər verir ki, İYİ Partiyanın 24 iyundakı prezident seçkilərində iştirak edə bilməsi üçün 15 millət vəkilinin CHP-dən istefa verərək bu partiyaya keçməsinə AKP sərt reaksiya göstərib.

AKP sözcüsu Bülent Turan CHP-İYİ Partiya ittifaqı ilə bağlı danışarkən bunu "əxlaqdankənar birlik" adlandırıb: 

"İradəsi əsir düşmüş Kamal Kılıçdaroğlu partiya seçicisinin 1 noyabr seçkilərindəki seçimini heçə sayaraq 15 millət vəkilini əmrində olduğu iradənin təlimatı ilə başqa bir partiyaya göndərib, demokratiyaya və o millət vəkillərini seçən millətin iradəsinə qarşı çıxıb. Kılıçdaroğlu və CHP-si özünü inkar etmək bahasına 15 millət vəkilini "edama" göndərdi. Üstəlik ittifaqlarının qanuni olaraq yolu açılmışkən, gizli görüşüblər.

CPH-nin 1978-ci ildə qurduğu "Günəş Moteli" partiyanın sonunu gətirmişdi. Yeni bir "Günəş Moteli" olayı ilə qarşı-qarşıyayıq. CHP ortada bir problem var imiş kimi öz millət vəkillərini İYİ Partiyaya satdı. Bu heç bir siyasi əxlaqa sığmır, utancverici bir addımdır. Türk siyasi tarixi millətə qarşı gedərək ortaya qoyulan heç bir ssenarini qəbul etməyib. Nə edirlərsə-etsinlər, Cumhur İttifaqı və Tayyib Ərdoğan seçkiləri yüksək fərqlə qazanacaq və yeni Türkiyəni inşa edəcək. Mustafa Kamalın 95 illik partiyasını "okeyə döründücü axtaran" bir partiya halına gətirdilər. Normal düşüncəli heç bir CHP-li bu filmə icazə verməyəcək, bu əxlaqdankənar iş birliyi millətin vicdanında məhkum olacaq".