Builki qəbul imtahanının nəticələrinə əsasən demək olar ki, ali məktəblərə keçid balları yüksək olub. Belə ki, DİM bəzi ali məktəblərdə, o cümlədən, Azərbaycan Dövlət Aqrar Universitetində, Azərbaycan Kooperasiya Universitetində və digərlərində keçid ballarını aşağı salmışdı. Amma müsabiqəyə 180-190 balla girən abituriyentlər keçid balları 150 bala salınan ali məktəbləri seçsələr də, seçdikləri ixtisaslara qəbul ola bilməyiblər. Bu da onu göstərir ki, abituriyentlər arasında rəqabət kifayət qədər yüksək olub.

Ali təhsil müəssisələrinin müsabiqəsində 42 804 abituriyent iştirak edib.Onlardan 36381 nəfəri ali təhsil müəssisələrinə qəbul olunub.11 728 nəfər dövlət sifarişi əsasında, 24 653 nəfər isə ödənişli əsaslarla təhsil almaq hüququ əldə edib.