Trend-in məlumatına görə, bunu Türkiyənin baş naziri Binəli Yıldırım bu gün hakim Ədalət və İnkişaf Partiyasının növbədənkənar qurultayında çıxışı zamanı bildirib.

B.Yıldırım qeyd edib ki, Milliyyətçi Hərəkat Partiyasının (MHP) lideri Dövlət Baxçalının ali məktəblərdə qəbul imtahanlarının ləğv olunması ilə bağlı təklifi məntiqlidir: “Biz hökumət olaraq Baxçalının bu təklifini nəzərə alıb dəyərləndirə bilərik. Sadəcə, buna bir az zaman lazım olacaq”.

Qeyd edək ki, bu ilin oktyabr ayından Türkiyədə buraxılış və qəbul imtahanlarının sadələşdirilməsi qərara alınıb və bəzi fənlərdən olan imtahanlar ləğv edilib.