"Report" xəbər verir ki, bunu jurnalistlərə açıqlamasında Azərbaycan Vəkillər Kollegiyasının sədri Anar Bağırov deyib.

O bildirib ki, əgər üç ay bundan əvvələdək 10 min nəfərə 9 vəkil düşürdüsə, artıq 15 nəfər vəkil düşəcək: "Yəni, ötən ilin sonunda Azərbaycanda cəmi 920 vəkil var idisə, bu gün onların sayı 1500-dən çox olacaq".

Sədr qeyd edib ki, vəkiliyə böyük həvəs var: "Gənclər vəkil olmaq üçün böyük həvəs göstərir. Bu da ölkədə vəkilliyin gücünün artması ilə bağlıdır".

A.Bağırovun sözlərinə görə, ilin sonunda kimi vəkilliyə qəbulla bağlı daha bir imtahan keçiriləcək.