Sahilyanı ərazilərdə yaşayan insanlar üçün isə bu deməkdir ki, onların yaşadığı yerlərdə dəniz səviyyəsi əhəmiyyətli dərəcədə artacaq.

Qərbi Antarktida yavaş-yavaş əriyir: “Antarktida yarımadasının 97 faizi hələ də buzla örtülüdür. Yəni buzun hamısı ərimir və sürərli bir şəkildə yox olmayacaq”, – deyə Britaniya Antarktida Araşdırma Qrupundan Piter Konvey deyir

Antarktidadakı 30 milyon kub kilometr buz tədricən əriyib okeana axır: “Cüzi bir buzun əriməsi okeana axan suya əhəmiyyətli təsir göstərir. Bunun da öz növbəsində dəniz səviyyəsinin artmasına böyük təsiri olur”-deyə Konvey vurğulayıb.

NASA təxmin edir ki, 2004-cü ildən bəri hər il Antarktidadan okeana 118 milyard ton buz axır. Bu, alimlərin proqnozlaşdırdığından daha sürətli bir ərimədir: “İstilik və buzların əriməsi səbəbilə dünyada yaranan problemlərdən ən böyüyü odur ki, böyük bir insan əhalisi dəniz səviyyəsinə yaxın yerlərdə yaşayır. Bir çox böyük şəhər, böyük kənd təsərrüfatı əraziləri də dəniz səviyyəsindədir”, – Piter Konvey bildirir.

İnsanların səbəb olduğu iqlim dəyişikliyinin yaratdığı dəyişikliklər qitəni çox sürətli bir şəkildə daha yaşıl edir: “Bildiyimiz kimi, ən böyük temperatur dəyişiklikləri Antarktidada baş verir. Son 50 ildə orada temperatur təxminən 3 dərəcə artıb”, -deyə alim Anjelika Kasanova bildirir.

Tədqiqatçılar deyir ki, əgər dəyişikliklər baş verməsə qarşıdakı 200 ildə dəniz səviyyəsi 3 metr artacaq.