Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Araz Əlizadə Arif Rəhimzadəyə arxa çıxdı

Tarix 20.06.17, 22:51

Font ölçüsü : - / +
bitmap-img6


Azərbaycan Sosial Demokrat Partiyasının (ASDP) sədri, Milli Məclisin deputatı Araz Əlizadə deputat həmkarı Arif Rəhimzadənin rus dili və Rusiyanın Azərbaycan dövlətinin yaradılmasında böyük rolunun olması barədə fikirlərinə münasibət bildirib

A.Əlizadə açıqlamasında deyib ki, Arif Rəhimzadə bu fikirlərində haqlıdır:

“Mən bu məsələdə Arif Rəhimzadə ilə tamamilə razıyam. Doğrudan da Sovet təhsil sistemi bizə dövlət idarəçiliyində çox böyük yardım edib. Hər bir dövlətin formalaşması o xalqın təhsil və mədəniyyət səviyyəsi ilə ölçülür. Azərbaycanda isə Sovet İttifaqından əvvəl bütövlükdə cəmi 25-28 nəfər ali təhsilli şəxs olub. SSRİ dağıldıqda isə Azərbaycanın bütün əhalisi artıq savadlı idi. Hətta, Azərbaycanda vəziyyət o səviyyəyə çatmışdı ki, bizdə ali təhsilli adamlar işsiz idilər. Özü də SSRİ dövrünün təhsil səviyyəsini indiki ilə müqayisə etmək olmazdı. İndi deyirlər ki, Sovet təhsil sistemi və sairə. Sovet təhsil sistemi təkmilləşmiş baloniya təhsil sistemi idi. İndiki baloniya təhsil sistemi və sairə əhəmiyyətsizdir. Ona görə də əgər biz Azərbaycanın təhsil sisteminin inkişafını istəyiriksə, o zaman SSRİ dövründəki təhsil sisteminə qayıtmalıyıq. Doğrudur, SSRİ dövründə də bəzi çatışmazlıqlar var idi. Ancaq bütövlükdə o təhsil sistemi indikindən daha yaxşı olub. Bilirsiniz, quş qoymaqla təhsil olmaz. Ola bilsin ki, hansısa təbəqə nəyisə bilmir. Ancaq müəllim onunla söhbət əsnasında görəcək ki, həmin tələbənin başı işləyir, yoxsa işləmir! Ancaq quş və digər işarələr qoymaq düzgün deyil. Bununla şagirdin, tələbənin təhsil səviyyəsini öyrənmək dəqiq mümkün deyil”.

Deputat qeyd edib ki, Azərbaycanda repititorlar əzbərçiliklə məşğul olur:

“Təsəvvür edin ki, Azərbaycanda illərdir ki, test sistemi mövcuddur. Ancaq təhsil sistemi SSRİ təhsilinə çata bilmir. Test suallarının da əksəriyyəti bir-birinə bənzəyir. Repititorlar şagirdlərə harada quş qoymaq lazım olub-olmamasını öyrədir. Universitetlərdə də eyni sistem tətbiq olunur. Deyirlər ki, bununla rüşvətxorluğun qarşısı alınır və sairə. Ancaq bununla həm də təhsilimizin qarşısı alınır”.

A.Əlizadə vurğulayıb ki, dövlət idarəçilik təcrübəsini Azərbaycana SSRİ qazandırıb:

“Bir növ onlar bizə tilov veriblər ki, balıq tuta bilək. Yəni, təhsil verilib ki, biz dövlət idarəçiliyini bilək. Azərbaycan Xalq Cəbhəsinin liderləri də Sovet təhsili görmüşdülər. Ancaq onlar idarəçiliyi bilmirdilər. Ümummilli lider Heydər Əliyev isə dövlət idarəçiliyini yaxşı bilirdi. O, dövlət idarəçiliyini Sovet İttifaqı sistemində öyrənmişdi, “KQB” və partiya məktəbi keçmişdi. Ona görə də Azərbaycanı idarə etməyi bacardı. Ümumiyyətlə, bizim görkəmli dövlət xadimlərinin hamısı bu mərhələləri keçmişdilər. Ancaq Xalq Cəbhəsinin liderləri hakimiyyətə gələndən sonra öz təcrübəsizliklərini və bacarıqsızlıqlarını açıq-aşkar nümayiş etdirdilər. Bilirsiniz, bu ona bənzəyir ki, bir körpə uşağı aparıb “Kamaz” maşınının sükanı arxasında otuzdurub deyirsən ki, bunu idarə et! Təbii ki, körpə uşaq “Kamaz”ı sürməyi bacarmayacaq. Xalq Cəbhəsi də dövləti idarə edə bilmirdi. Ona görə mən də hesab edirəm ki, Azərbaycanda dövlət quruculuğunun təməli Sovet İttifaqı dövründə qoyulub. Tarixə nəzər salsaq görərik ki, SSRİ-nin ilk rəhbərlərindən biri Nəriman Nərimanov olub. Baxmayaraq ki, ermənilər daha çox SSRİ-də yüksək vəzifələrdə yer tutublar. Bunun da əsas səbəbi ermənilərin yaltaq və hiyləgər olması ilə bağlıdır. Çünki istədikləri adamın qılığına girməyi bacarıblar. Ancaq SSRİ-də yaxşı vəzifələr tutmuş azərbaycanlılar da var idi. Bütün bunlar da Sovet təhsil sisteminə görə olub. Əgər sənin təhsilin yoxdursa, həyatda heç nəyə nail ola bilmərsən”.

A.Əlizadə ona qarşı səsləndirilən “Rusiyanın agenti”, “beşinci kalonun üzvü” və sairə ittihamlara da cavab verib:

“Ən gülməlisi odur ki, bunu deyənlərin özləri “beşinci kalon”dur. Arif Hacılının təbirincə desək, onlar bir dövlətin deyil, 8 dövlətin “beşinci kalon”udur. Çünki vaxtilə Arif Hacılı özü deputatlara demişdi ki, ay bədbəxtlər, biz hakimiyyətə səkkiz dövlətin xeyir-duası ilə gəlmişik. Odur ki, ağalarının xeyir-duası ilə hakimiyyətə gələnlər heç zaman öz dövlətlərinə xidmət edə bilməz. Pulu kim verirsə, musiqini də o sifariş verir”. (ölkə.az)



Xəbərin oxunma sayı : 127




Siyasət

Xəbərlər

ARXİV
Əlaqə | Haqqımızda  
Buy website traffic cheap